Joedse Autonome Oblas
Dit artikel is gesjreve (of begós) in 't Tegels. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/5/5d/Map_of_the_Jewish_Autonomous_Oblast_in_Russia.svg/220px-Map_of_the_Jewish_Autonomous_Oblast_in_Russia.svg.png)
![](http://upload.wikimedia.org/wikipedia/commons/thumb/9/92/JAO_met_plaatsnamen.png/220px-JAO_met_plaatsnamen.png)
De Joedse Autonome Oblas (Rössisch: Еврейская автономная область, Jevrejskaja avtonomnaja oblast; Jiddisch: ייִדישע אױטאָנאָמע געגנט, jidische ojtonome gegnt) is e deilgebeed van de Rössische Federatie. De oblas leejt in 't Rössische Verre Oeëste en grens in 't zude aan Sjina, in 't naordwèste aan Amoer en in 't naorde en oeëste aan Chabarovsk. Veur 1934 makde 't deil oet van kraj Chabarovsk. Häör oppervlak is 36.300 km². In 2016 haet de oblas 166.120 inwoeëners. De bevólkingsgreuj is al jaore negatief, wie dök in groeëte deiler van Rösland.
De haofsjtad is Birobidzjan. De Joedse autonome oblas is de ènsigste autonome oblas in Rösland en zie is naeve Israel 't ènsigste gebeed mèt 'n officiële Joedse status. Etnische Rösse make mit 89% de euvergroeëte mierderheid van de bevólking oet. De Oekraïeners vörme mit 4,4% de groeëtste minderheid, dewiel mer 1,22% Joeds is.
Besjtuurlike indeiling
[bewirk | brón bewèrke]'t Gebeed besjteit oet vief rajons (distrikte):
- Birobidzjanski (Биробиджанский)
- Leninski (Ленинский)
- Obloetsjenski (Облученский)
- Oktjabrski (Октябрьский)
- Smidovitsjski (Смидовичский)