Jean Monnet
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/f/f5/Jean_Monnet.jpg/220px-Jean_Monnet.jpg)
Jean Monnet (9 november 1888, Cognac te Charente - 16 miert 1979, Bazoches-sur-Guyonne te Yvelines) is 'ne Franse politicus, ambteneer, baankeer, atlanticis en Eurofidderalis. Heer weurt gezien es eine vaan de 11 Founding fathers vaan de Europese Unie en, in 't algemein, 't Europees integratieperses.
Naotot heer sinds de opriechting in 1919 eine vaan de promotors vaan de Volkerboond, boevaan heer plaotsvervaangend sikkertaris-ginneraol waor, organiseerde heer in die positie de financieel conferentie vaan Breusel vaan september 1920. Heer woort daonao 'nen invloojrieken advisäör in deens vaan de Franse staot en, vaanaof d'n Twiede Wereldoorlog, veur de geallieerde. In 1940 stèlde heer 't Frans-Britse Unie-projek veur: 'n fusie vaan Fraankriek en 't Vereineg Keuninkriek es blok contra Nazi-Duitsland. D'r woort serieus naogedag vaanoet Londe en Paries euver dees fusie, bistot de Nazis wèrkelek de Franse sjraom euvergónge en Paries bezatte.
Nao d'n oorlog woort Monnet eine vaan de architecte vaan de Franse planification (de hervörming en wederopbouw vaan Fraankriek) vaan 1946 tot 1952 tijes 't Marshallplan. Monnet droog bij aon de bekènde Schuman-verklaoring vaan 1950, aon de Frans-Duitse touwnaojering en aon de opriechting vaan de Europese Gemeinsjap veur Kole en Staol, boevaan heer d'n ierste veurzitter waor.
Heer is eine vaan de belaangriekste opriechters vaan de Europese Ikkenomische Gemeinsjap (die woort opgeriech op force vaan 't Verdraag vaan Roeme in 1957), wat later zou oetvlooje in d'n Europesen interne merret. Dit zawwe de veurloupers zien vaan de Europese Unie (EU). Es eine vaan de founding fathers vaan de EU woort heer in 1976 oetgerope tot ierebörger vaan Europa. Heer hiemelde in 1979 in Yvelines, Ile-de-France (neet wiet vaan Paries). In 1988 kraog heer 'nen twiede begraffenis en woort 'r begrave in 't Frans Pantheon.
Brón
[bewirk | brón bewèrke]- Dit artikel is groetdeils direk vertaold oet de Franstaolege Wikipedia