Knokke-Heist
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![]() |
![]() |
![]() |
Knokke-Heist (Wes-Vlaams: Knokke-'Eist) is 'n gemeinte in de Belzje provincie Wes-Vlaandere, arrondissemint Brugge. De gemeinte umvat 'n oppervlak vaan 56,44 km² en had op 1 januari 2008 34.026 inwoeners. De gemeinte ligk aon de Noordzie en tege de grens mèt Nederland en is de noordelekste vaan de provincie.
Geografie
bewirkDeilgemeintes
bewirkDe gemeinte Knokke-Heist umvat veer deilgemeintes. De deilgemeintes Knokke en Heist höbbe ouch nog aander kerne - oersprunkelek gehuchte, allewijl ieder stadswieke.
- I. Knokke
- V. Het Zoute
- VI. Albertstrand
- II. Heist
- VII. Duinbergen
- III. Ramskapelle
- IV. Westkapelle
Aongrenzende (deil)gemeintes
bewirkNatuur
bewirk't Zwin, 't restant vaan de vreugere zie-erm dee tot bij Brugge reikde, ligk gedeiltelek in Knokke-Heist (de res ligk in de gemeinte Sluis). 't Is e zandereg sjorregebeed (westelek Nederlands schor is oongeveer 'wad') wat veural veur väöl zieveugel (die me wijer in Vlaandere amper zuut) intressant is.
Economie
bewirkKnokke-Heist leef veural vaan 't toerisme; ouch 't tot veur kort agrarisch Westkapelle is recentelek sterk versteidelek en allein Ramskapelle is boete de toeristische agglomeratie gebleve. De gemeinte kinmerk ziech door 'ne groete focus op de boveklasse; väöl rieke lui höbbe hei e twiede hoes. Daoneve vint me ouch wel gojekouper verkantiehoezer.
Historie
bewirkKnokke, Heist (vreuger Koudekerke) en de naoberdörper aon zie waore iewelaank oonbeteikenende vèssersplaotse. Dit veranderde allemaol in de negentienden iew, wie me dao, zjus wie in aander plaotse in Wes-Vlaandere, 't toerisme oontdèkde. Dit zörgde veur bekans explosieve greuj en 't oontstoon vaan 'n agglomeratie aon zie. In 1971 woort de fusie tösse Knokke, Heist, Ramskapelle en Westkapelle e feit. De lèste jaore weurt de politiek gekinmerk door de rechse plaotseleke partij Gemeentebelangen en d'n eve conservatieve börgemeister graof Leopold Lippens.
Extern links
bewirk
Alveringem · Anzegem · Ardooie · Avelgem · Beernem · Blankenberge · Bredene · Brugge · Damme · De Haan · De Panne · Deerlijk · Dentergem · Diksmuide · Gistel · Harelbeke · Heuvelland · Hooglede · Houthulst · Ichtegem · Ieper · Ingelmunster · Izegem · Jabbeke · Knokke-Heist · Koekelare · Koksijde · Kortemark · Kortrijk · Kuurne · Langemark-Poelkapelle · Ledegem · Lendelede · Lichtervelde · Lo-Reninge · Menen · Mesen · Meulebeke · Middelkerke · Moorslede · Nieuwpoort · Oostende · Oostkamp · Oostrozebeke · Oudenburg · Pittem · Poperinge · Roeselare · Ruiselede · Spiere-Helkijn · Staden · Tielt · Torhout · Veurne · Vleteren · Waregem · Wervik · Wevelgem · Wielsbeke · Wingene · Zedelgem · Zonnebeke · Zuienkerke · Zwevegem | |