Eufraat

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De luipe vannen Eufraat ennen Tigris

D'n Eufraat is 'ne reveer in 't Midden-Oeaste en ein vanne twieë groeate reveer van 't aad twieëstroumelandj Mesopotamië. D'n Eufraat vörmp same mitte reveerdaal vanne Niel enne Tigris de Vröchbaar Króm.

De reveer d'n Eufraat is 2800 kilomaeter lank en struimp vanaaf de berg in 't oeaste van Törkieje, dore Syrië ennen Irak nao 't zuudoeaste. Bie Basra, op 150 kilomaeter aaf vanne munjing, struimp d'n Eufraat same mitten Tigris. Van dao aaf struimp de verèndje reveer es Sjatt al-Arab door e groeat zómpgebied door Abadan nao de Perzische Golf.

Op 't landj tösse d'n Eufraat ennen Tigris, Mesopotamië of 't Twieëstroumelandj, höbben 'n hieël deil aaj besjavingen häören oearsprónk vónje, wie Soemerië, 't Akkadisch Riek, Babylonië en Assyrië.