Paleosene
![](http://upload.wikimedia.org/wikipedia/commons/thumb/4/47/Main_floristic_types_from_the_Danian_-_journal.pone.0052455.g007-right.png/220px-Main_floristic_types_from_the_Danian_-_journal.pone.0052455.g007-right.png)
![](http://upload.wikimedia.org/wikipedia/commons/thumb/4/41/Barylambda-faberi.jpg/220px-Barylambda-faberi.jpg)
![](http://upload.wikimedia.org/wikipedia/commons/thumb/b/b4/Gastornis.png/220px-Gastornis.png)
La paleosene es un epoca jeolojial cual ia dura de sirca 66 a 56 anios ante aora. Lo es la epoca prima de la periodo paleojen en la eda senozoica moderna. La nom es un combina de la parolas de elinica antica palaeo, sinifiante "vea" e kainos, sinifiante "nova" (en esta caso, "seguente").
(Vide Scala de edas jeolojial per detalias)
La epoca es brasetida par du avenis major en la istoria de Tera. La aveni de estingui K-Pg (pd, cretasica-paleojen), introduida par un colpa par un asteroide e ativia volcanal, ia marca la comensa de la paleosene e ia mata sirca 75% de spesies vivente, de cual la plu famosa ia es la dinosauros. La epoca ia fini con la PETM (per "la masima termal de paleosene-eosene"), en cual sirca 2500 a 4500 gigatones de carbon ia es relasada en la atmosfera e mares, cual ia causa un salta de temperatures global e asidi de la mares.
En la paleosene, la continentes de la emisfera norde ia es ancora juntada par alga pontes de tera; e America Sude, Antartica, e Australia no ia separa completa ancora. La Montes Rocosa ia comensa leva, la Americas no ia es juntada, la plato indian ia comensa sua colide con Asia, e la provinse magmal de la Atlantica norde ia es forminte en la aveni magmal la tre en grandia de la 150 milion anios pasada. En la mares, la sirculi termohalina (pd la resulta de caldia e salosia a la corentes) ia es probable multe diferente ca lo de oji, con la basi de acua aveni en la Pasifica norde en loca de la Atlantica norde, e la densia de acua xef controlada par la salosia e no la temperatur.
La estingui ia causa un cambia grande de spesies, con spesies comun recambiada par spesies noncomun. En la paleosene, con temperatures de sirca 24-25º (comparada con sirca 14º plu resente), la Tera ia ave un clima invernal sin glasias a la polos, como en la Mesozoica. Un resulta ia es ce la forestas ia covre la Tera, ma con min varia de spesies de plantas, xef poplida par viventes peti cual ia evolui rapida per prende vantaje de la Tera resente vacuida. An si alga animales ia deveni grande, la plu resta alga peti. La forestas deveni densa en la asentia jeneral de erbivores grande. Mamales sperde en la paleosene, e la animales plasental e marsupial la plu temprana ia comensa en esta periodo, ma la plu clases ave relatas ambigua. En la mares, pexes con pinas raial ia comensa domina la mares e resifes.