Mar Scotia
![](http://upload.wikimedia.org/wikipedia/commons/thumb/8/8b/Scotia_Sea_1996.jpg/220px-Scotia_Sea_1996.jpg)
![](http://upload.wikimedia.org/wikipedia/commons/thumb/a/a1/Scotiazee_en_scotiarug.png/220px-Scotiazee_en_scotiarug.png)
![](http://upload.wikimedia.org/wikipedia/commons/thumb/4/4a/Scotia-sea.png/220px-Scotia-sea.png)
La Mar Scotia es un mar a la borda de la Mar Antartica a sua borda con la Mar Atlantica sude. Lo es bordada a la ueste par la Pasaje de Drake e a la norde, este, e sude par la Arco Scotia, un cresta su mar e arco de isolas. La mar senta supra la plata tetonica Scotia. La mar covre un area de sirca 900,000 km2, con sirca dui de la mar supra la plano continental. Multe isberges fonda en la Mar Scotia.
Lo es nomida sirca 1932 per la barcon de esplora "Scotia" usada par la Mision Nasional Scotes de Antartica su William S. Bruce. La naviga la plu famosa de esta mar fria ia es lo de 1916 par Ernest Shackleton e sinco otras en la barco de salva adatada, la James Caird, cuando los ia parti de Isola Elefante e ia ateni Georgia Sude du semanas plu tarda.
La isolas cual borda la Mar Scotia es rocosa e partal covreda en jelo e neva tra la anio. An tal esta ambiente sever, la isolas suporta plantas e ia es descriveda como la Isolas de Mar Scotia Tundra Ecorejion, cual inclui Georgia Sude, la Isolas Sandwich Sude, la Orkneys Sude, la Isolas Shetland Sude, e la volcan isolida Isola Bouvet. La plantas inclui moses, licenes, e alges.
Avias de mares, pinguines, e focas es trivada en la acuas sirca la isolas. Avias de mares inclui cuatro spesies de albatroses e la [[petrel]es jigante. Sinco spesies de avias resta sur la isolas, incluinte patos (Anas georgica) e antos (Anthus antarcticus). Pinguines de tota spesies pote es trovada ala, spesial la pinguin re. Focas, incluinte la otarios e la elefante-de-mar, es comun, pos la acordas internasional per restrinje xasa, e la crea de conserverias en la rejion.