La nara de la campanias de Igor
La nara de la campanias de Igor o la canta de la campanias de Igor es un poesia epica anonima scriveda en slavica este antica. En acel lingua, sua titulo es Слово о плъкоу Игоревѣ (Slovo o plŭku Igorevě).
La poesia raconta la ataca falida de Igor Sviatoslavitx (ci ia mori en 1202) contra la cumanes en la rejion de la rio Don. An si alga ia disputa la veria de la poesia, la consensa erudita corente es ce la poesia es vera e ia es scriveda en la eda medieval (sentenio 12 tarda).
La nara de la campanias de Igor ia es alterada a un opera par Alecsander Borodin e ia deveni un de la clasicas major de la teatro rusce. Titulida "Prinse Igor", lo ia es presentada a la ves prima en 1890.