Hestia
![](http://upload.wikimedia.org/wikipedia/commons/thumb/a/a5/Hestia_Giustiniani.jpg/220px-Hestia_Giustiniani.jpg)
En la relijio de Elas antica, Hestia (elinica: Ἑστία, "ximineria") es un diva virjin de la ximineria, arciteta, e la ordina santa de familia, la casa, e la stato. El ia es la fia plu vea de la titanes Rea e Crono, e un sore per Zeus, Posedon, Demetra, Hera, e Hade.
Hestia ia reseta la ofre prima a cada sacrifia en la casa. Estra la casa, la pritaneo, la ximineria e foco de la comunia, ia es sua santeria ofisial. Con la institui de un colonia nova, un flama de la ximineria publica en la site mardrin ta es portada a la colonia nova. Sua egal roman es Vesta, e Herodoto egali el con la diva scitian Tabiti.
La nom e roles de Hestia mostra la importania de la ximineria en la vive sosial, relijial, e political de Elas antica. Lo ia es esensal per caldia, prepara de comedas, e la completa de ofres sacrifial a la dios; en la final, Hestia ia es la resetor costumal de la sacrifia prima, e ia es ofreda la prima e final brindas de vino a festas. Sua animal de sacrifias ia es la porco domada. La estingui acaso o descurada de la foco de la casa ia representa un fali de la cura e cargas relijial de la familia; fali de la manteni de la foco publica en sua templo o santeria ia es un fali de debe per la comunia intera.
En la mitos, Hestia ia refusa la proposas de sposi par Posedon e Apolo, e jura se per manteni eterna sua virjinia. Afrodite ia atenta curvi sua cor, ma Hestia ia rejeta la valuas de Afrodite e deveni la antitesa asteninte e familial de Afrodite.
Zeus ia carga Hestia la debe de manteni la focos de la ximineria de Olimpo con la partes grasosa de la animales sacrifiada a la dios. A cualce loca do comedas ia es coceda, o un ofre ia es ardeda, Hestia ia reseta sua comparti de onor. Ance, en tota templos de la dios, el ta ave un comparti de onor. Per tota persones mortal, el ia es la xef de la divas.