Dialetica
![](http://upload.wikimedia.org/wikipedia/commons/thumb/a/a4/Socrates_Louvre.jpg/220px-Socrates_Louvre.jpg)
Dialetica (elinica: διαλεκτική, dialektikḗ; relatada a dialogo), ance nomida la metodo dialetical, es a sua plu simple, un discute entre du o plu persones ci ave ideas sur un sujeto cual difere, ma ci desira fundi la veria par la usa de debate razonante. Dialetica sembla debate, ma sin la elementos sujetal como apela a emosia e retorica (en la forma negativa moderna). Lo pote es contrastada con la metodo instruinte, en cual un lado de la conversa atenta educa la otra. La metodo es comun atribuida a la filosofiste de Elas antica, Socrate e sua metodo socratal
En Hegelisme, dialetica oteni un sinifia spesialida de un contradise de ideas cual deveni un fator determinante en sua interata. (Nota ce la idea es plu de Kant e Fichte ca Hegel.) La dialetica ave tre pasos de developa: la tese cual presente plu comun la idea asetada ante la debate, la antitese cual contradise o nega la tese, e la sintese cual redui la tensa entre la tese e antitese.
Materialisme dialetical, un varia de Karl Marx e Friedrich Engles, ajusta la dialetica de Hegel (cual es de un natur idealistica) a un materialisme tradisional, pd en loca de ideas de la mente, los esamina avenis en la realia fisical (pe la situas economial en la mundo). La dialetica, spesial los de Hegel e Marx, asentua la importa de la evolui de ideas o praticas nova e no predisable par sola contempla la ideas o praticas tradisional. En evolui, per esemplo, la organisme e un cambia de la ambie pote causa la developa de un spesie nova, cual pote denova debe fasa ambies nova e an ambies lo mesma ia crea. Esta modo de pensa no es un parte de lojica tradisional, cual es posible la razona perce la mente umana resiste lo.