Olympesch Summerspiller 2008

Spiller vun der XXIX. Olympiad
	Olympesch Summerspiller
Maskottchen	Fuwa
Land	China
Stad	Peking
Ufanksdatum	8. August 2008
Schlussdatum	24. August 2008
opgemaach vum/vun der	Hu Jintao
Olympeschen Eed	Zhang Yining, Huang Liping
Olympesch Fakel	Li Ning
Kompetitiounen	302 an 28 Sportaarten
Spiller virdrun	Olympesch Summerspiller 2004
Spiller duerno	Olympesch Summerspiller 2012
Um Spaweck	https://olympics.com/en/olympic-games/beijing-2008

Dëse Sportsartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Olympesch Summerspiller 2008, offiziell d'Spiller vun der XXIX. Olympiad genannt, goufe vum 8. bis de 24. August 2008 zu Peking organiséiert. Et waren déi éischt Olympesch Spiller an der Volleksrepublik China.

Déi allermeescht, mä net all d'Kompetitioune waren zu Peking selwer. Sou goungen d'Seegler zu Qingdao op d'Waasser a Foussball gouf nieft der Haaptstad och zu Qinhuangdao, Shanghai, Shenyang an Tianjin gespillt. D'Reide war zu Hong Kong a gouf dowéinst och net vum chineeseschen nationalen olympesche Comité, mä vun deem vun Hong Kong organiséiert.

D'Haaptareena vun de Spiller war den Nationalstadion vu Peking.

Participanten

Et waren 11 028 Athleeten aus 204 Länner um Start. Lëtzebuerg war mat 13 Olympionike vertrueden:

Dëschtennis
- Ni Xia Lian
Judo
- Marie Muller

Schwammen

Seegelen
- Marc Schmit
Triathlon
- Dirk Bockel
- Liz May

Turnen
- Sascha Palgen
Vëlossport

De Liichtathleet David Fiegen war qualifizéiert, huet awer wéinst Krankheet missen op eng Participatioun verzichten.

Fändeldréier

De Schwëmmer Raphaël Stacchiotti huet de Fändel vu Lëtzebuerg bei der Erëffnungszeremonie gedroen.

Kompetitiounen

Bei de Spiller 2008 gouf an 28 Sportaarten an an zesummen 302 Disziplinne géintenee konkurréiert.

Lëscht vun den olympesche Sportaarten 2008 an der Zuel vun den Disziplinnen (a Klameren):

Badminton (5)
Baseball (1)
Basketball (2)
Bouschéissen (4)
Boxen (11)
Dëschtennis (4)
Fechten (10)
Feldhockey (2)
Foussball (2)
Gewiichterhiewen (14)

Handball (2)
Judo (14)
Kanu (17)
Liichtathleetik (47)
Moderne Pentathlon (2)
Reiden (6)
Ringen (18)
Rudderen (14)
Schéissen (15)
Schwammen¹ (34)

Seegelen (11)
Softball (1)
Synchronschwammen¹ (2)
Taekwondo (8)
Tennis (4)
Triatlhon (2)
Turnen² (18)
Waasserball¹ (2)
Waassersprangen¹ (8)
Vëlossport (18)
Volleyball (4)

¹ = Schwammen, Synchronschwammen, Waasserball a Waassersprange gi vum IOC als Waassersport zesummegefaasst.
² = Sportgymnastik an Trampolinturne ginn zum Turne gerechent.

Kuckt och

Um Spaweck

Commons: Olympesch Summerspiller 2008 – Biller, Videoen oder Audiodateien