Mijas

Mijas
Mijas
Land	Spuenien
Awunner	91.691 (2023)
Fläch	148,8 km²
Koordinaten	36°35'44,00"N, 4°38'14,00"W
Postcode	29649–29651
Websäit	http://www.mijas.es

Mijas ass eng Uertschaft a Gemeng an der spuenescher Regioun Andalusien. Et ass eng vu den 100 selbststännege Gemengen an der Provënz Málaga.

D'Stad Mijas hat 64.288 registréiert Awunner (Stand: 2007), op enger Fläch vun 149 km². Dat entsprécht 431,5 Awunner pro km². Well et a Spuenien (wéi an England) keng gesetzlech Virschrëft gëtt, fir sech unzemellen, ass d'Zuel vun den Awunner a Wierklechkeet awer méi héich. Dat trëfft besonnesch fir d'Auslänner zou, déi do wunnen. D'Briten stinn op der éischter Plaz, gefollecht vun den Däitschen, Skandinavier, asw.. D'Awunner vu Mijas disposéieren pro Kapp iwwer dat hëchst Akommes vun de Gemenge vun der Costa del Sol. Offiziell Sprooch ass Spuenesch (Kastilianesch).

Geographie

Mijas läit ongeféier 565 Kilometer vun der spuenescher Haaptstad Madrid ewech un der Südküst vun der ibeerescher Halllefinsel, 30 Kilometer südwestlech vu Málaga un der Costa del Sol. D'Gemeng erstreckt sech vun der südlech geleeëner Küst bis zu der Sierra de Mijas am Norden. Nopeschgemenge sinn am Weste Marbella an Ojén, am Norde Coín, Alhaurín el Grande an Alhaurín de la Torre, an am Oste Benalmádena a Fuengirola.
D'Uertschaft ass bekannt wéinst senger idyllescher Lag a senge wäissen Haiser an Hotellen, déi wéi un e Bierg gepecht wierken.
Den historesche Kär, d'Stad Mijas (Mijas Pueblo), läit am Nordoste vun der Gemeng, um Fouss vum 1.150 Meter héije Bierg mam selwechten Numm op enger mëttelster Héicht vu 428 Meter iwwer dem Mieresspigel.

Tourismus

Duerch seng Lag an der Noperschaft vun de bekannten Touristenuertschaften op der Costa del Sol, tëscht Torremolinos a Marbella, ass Mijas eng beléift Destinatioun fir Ausflich vun engem Dag.

Kuckeswäertes

Musée: Am Musée vu Mijas gëtt et en nogebaute Raum, wou de Buergermeeschter vu Mijas, Manuel Cortés, sech am Biergerkrich bis zum Zäitpunkt vun der Amnestie (1969), virun de Franco-Unhänger, verstoppt huet,
Stéierkampf-Arena,
Seng enk Stroossen a Gässelen,
Seng Haaptkierch,
Seng Ieselstaxiën.