Katsushika Hokusai
Katsushika Hokusai | |
---|---|
![]() | |
Gebuer | 31. Oktober 1760 |
Gestuerwen | 10. Mee 1849 |
Nationalitéit | Japan |
Aktivitéit | Moler, Illustrateur, Kënschtler, Graphiker, Graveur, Designer, Bauzeechner, visuelle Kënschtler, Zeechner |
Famill | |
Bestuet mat | onbekannt, onbekannt |
![]() |
![](http://upload.wikimedia.org/wikipedia/commons/thumb/0/0a/The_Great_Wave_off_Kanagawa.jpg/350px-The_Great_Wave_off_Kanagawa.jpg)
De Katsushika Hokusai (Japanesch: 葛飾北斎), gebuer warscheinlech den 31. Oktober 1760 zu Edo (haut Tokyo) a gestuerwen den 10. Mee 1849, war e japanesche Kënschtler.
Den Hokusai huet virun allem Ukiyo-e (japanesch Xylographië) gemaach, am Ganzen eng 30.000 Wierker. Hien huet an alle Genrë vun Ukiyo-e geschafft, mä am bekanntste vun him si seng Landschaftsbiller. Dozou zielen och 36 Vuen op de Bierg Fuji.
Mat 18 Joer huet hien ugefaangen, am Atelier vum Ukiyo-e-Kënschtler Katsugawa Shunso ze schaffen, deen op Portraite vu Schauspiller spezialiséiert war. 1785 ass hie wéinst artistesche Meenungsverschiddenheeten aus dem Atelier fortgaangen. Duerno huet hie sech missen duerchschloen, huet awer och niewelaanscht Konscht studéiert. Den Hokusai huet Illustratioune fir Bicher an Holzschnëttdrocker kreéiert, meeschtens Zeenen aus dem Alldag, an och japanesch Legenden an Traditiounen.
Vuen op de Bierg Fuji
[änneren | Quelltext änneren]![](http://upload.wikimedia.org/wikipedia/commons/thumb/2/25/Katsushika_Hokusai_-_Fine_Wind%2C_Clear_Morning_%28Gaif%C5%AB_kaisei%29_-_Google_Art_Project.jpg/350px-Katsushika_Hokusai_-_Fine_Wind%2C_Clear_Morning_%28Gaif%C5%AB_kaisei%29_-_Google_Art_Project.jpg)
Den Hokusai huet säi bekanntste Wierk Fugaku Sanjûrokkei ("36 Vuen op der Bierg Fuji") no sengem 60. Gebuertsdag geschaf. Dat bekanntst aus där Serie ass "Déi grouss Well vu Kanagawa", wou een zwee Booter gesäit, déi um Mier géint eng Risewell kämpfen. Am Hannergrond ass de Bierg Fuji ze gesinn.
Um Spaweck
[änneren | Quelltext änneren]Commons: Hokusai – Biller, Videoen oder Audiodateien |
- Hokusai-Musée zu Obuse, Japan
- Museum of Fine Arts, Boston - Database mat ronn 760 Wierker vum Hokusai
- Dynalias - Site mat bal 3000 Biller vum Hokusai senge Wierker.
- Metropolitan Museum of Art (New York), Portal vun der Grousser Well vu Kanagawa
- Hill-Stead Museum, Farmington Connecticut - Site iwwer de Katsushika Hokusai
- Spider on the Floor - Wëssenschaftlech Säit iwwer Déi grouss Well vu Kanagawa