Diddeleng

Diddeleng
Vue op Diddeleng
Aussprooch
An anere Sproochen	fr: Dudelange de: Düdelingen
Land	Lëtzebuerg
Kanton	Esch-Uelzecht
Gemeng	Diddeleng
Buergermeeschter	Dan Biancalana (LSAP)
Awunner	21.953
	1. Januar 2023
Fläch	838,8123 ha
Héicht	295 m
Koordinaten	49° 28’ 56’’ N       06° 05’ 04’’ O

Den RTL-Antennepotto um Ginzebierg.

Diddeleng ass eng Kadastersektioun an der Gemeng Diddeleng déi, bis Diddeleng de 4. August 1907 eng Stad gouf, nieft Butschebuerg a Biereng eng vun den dräi Uertschaften an der Diddelenger Gemeng war. Diddeleng ass eng vun den 12 Stied am Groussherzogtum Lëtzebuerg.

Zu Diddeleng stoung déi éischt modern integréiert Schmelz vu Lëtzebuerg an dofir gëtt d'Stad och nach Forge du Sud genannt.

 Méi Informatioun doriwwer am Artikel: Diddelenger Schmelz.

Geographesches

Diddeleng läit am Nordoste vum loutrengesche Minettsbaseng um Bord vun der Cuesta vum Bajocium am Dall vun der Diddelengerbaach.

De Süde vum Dall, wou grouss Industrieanlage stinn, ass vun Osten hier vun den Héichte vum Doggerplateau begrenzt an no Norden an Nordoste geet en op an den Dall vun der Gander a vun der Uelzecht.

Topographesches

Am Nordweste steet eng eenzel Kopp de Gehaansbierg, ee sougenannten Ëmlafbierg, mat enger Héicht vu 405 m, op deem Iwwerreschter vun enger Buergruin a réimescher Festung ze fanne sinn.

Déi héchst Plaz ass de Ginzebierg deen eng Héicht vu 424 m (NG-L) huet, an ënner deem op engem Plateau op enger Héicht vu 417,5 Meter den RTL's-Sender steet, deen e bei klorem Wieder op méi wéi 20 km gesi kann.

Den déifste Punkt ass am Thilleweier op der franséischer Grenz op 256 m.

Kuckeswäertes

• Waassertuerm + Pomhouse, de fréiere Waassertuerm an d'Pompelstatioun vun der Diddelenger Schmelz; haut Musée mat ë. a. der permanenter Fotosausstellung The Bitter Years 1935-1941.
• D'Kierch St. Martin an déi restauréiert Stahlhut Uergel vun 1912.
• De Centre de documentation sur les migrations humaines an der Gare Diddeleng-Schmelz
• Den 285 Meter héijen Antennepotto vun RTL um Ginzebierg
• De Regionalmusée vun den Zwangsrekrutéierten

Bekannt Diddelenger

• Jean-Pierre Adam Kënschtler
• Andy Bausch, Filmregisseur
• Benny Berg, Minister
• Nic Biever, Minister
• Marthe Bigelbach-Fohrmann, Deputéiert
• Nicolas Birtz, Buergermeeschter an Deputéierten
• Jean-Marie Biwer, Moler
• Alex Bodry, Minister
• Mars Di Bartolomeo, Minister
• Jean Fohrmann, Buergermeeschter an Deputéierten
• Henri Freylinger, Armurier an Olympionik
• Jean Hengen, Äerzbëschof
• Erna Hennicot-Schoepges, Ministesch
• Norbert Hoffmann, Dirigent vun der Militärmusek
• Frantz Kinnen, Moler
• Robert Krantz, Schoulmeeschter a Lokalhistoriker
• Dominique Lang, Moler
• Raymond Reuter, Fotograf
• Edy Schütz, Vëlossportler
• Armand Strainchamps, Moler
• Marc Theis, Fotograf
• Michel Think, Armurier an Olympionik
• Elvira Berend, Senior Schach Weltmeeschterin 2017,2018,2019

Literatur zum Theema

• Diddeléng - Gëscht an haut; Éditions Schortgen, 2020; Bildband vun 240 Säiten.
• 100 Joer Diddeleng, Bäilag vum Tageblatt Nr. 286 vum 8. Dezember 2007, 24 S.
• Dudelange, l'usine centenaire; Lëtzebuerg, Arbed s.a., 1982, 219 S.
• Krantz, Robert, Koerperich, Léon: Düdelinger Chronik, Band I, Aus dem Mittelalter in die Neuzeit (798-1907); Esch-Uelzecht, Imprimerie coopérative luxembourgeoise, 1980
• Krantz, Robert, Koerperich, Léon, Conrardy, Jean-Pierre: Düdelinger Chronik, Band II, 75 Jahre Stadt Düdelingen (1907-1982) & 100 Jahre Düdelinger Hütte (1882-1982); Esch-Uelzecht, Éditpress, 1982
• Weber, Albert, Düdelingen - vom Dorf zur Stadt. Beiträge zur Düdelinger Lokalgeschichte; (ouni Datum; 1985), erausgi vun der Stadverwaltung vun Diddeléng a vun der Kulturkommissioun; 227 S., ill..

Historesch Biller

• 
  Héichiewen zu Diddeleng. Foto Charles Bernhoeft, 1891
• 
  D'"Villa Urbany" um Deich, 1905 gebaut
• 
  Place de l'église. Foto J.M. Bellwald, Ufank 20. Joerhonnert
• 
  Diddeleng vum deemolege Schlakentipp aus gesinn. Foto J.M. Bellwald, Virun 1908

Kuckt och

• Dudetown