Brittesch Inselen

Dëse Geographiesartikel iwwer Europa ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Brittesch Inselen (englesch: British Isles) sinn eng Inselgrupp am Nordmier am Nordweste vun Europa. Nieft den zwou Haaptinsele Groussbritannien an Irland gehéieren am Ganzen eng 6.000 Insele mat enger Gesamtfläch vun 315.134 km² zu der Inselgrupp.

Geographie

D'Brittesch Insele reeche vun de Scilly Inselen am Süde bis op d'Shetland Inselen am Norden, a vun de Blasket Inselen am Weste bis Lowestoft Ness am Osten. D'Haaptinsele Groussbritannien an Irland sinn ëmgi vun enger grousser Zuel vu méi oder manner groussen Archipelen an Inselgruppen. Déi wichtegst dorënner sinn:

d'Hebriden (Hebrides) virun der Westküst vu Schottland.
d'Nërdlech Inselen (Northern Isles) virun der Nordostküst vu Schottland, mat den zwou Haaptgruppen Orkney a Shetland
d'Insel Wight (Isle of Wight) virun der Südküst vun England
d'Scilly Inselen (Scilly Isles) virun der Südwestküst vun England
Anglesey virun der Nordwestküst vu Wales
d'Insel Man (Isle of Man) am Iresche Mier tëscht deenen zwou Haaptinselen

Politik

Politesch gesi bestinn d'Brittesch Inselen aus deenen onofhängegen Natiounen Vereenegt Kinnekräich vu Groussbritannien an Nordirland (United Kingdom of Great Britain and Northern Ireland)) an der Republik Irland (englesch Republic of Ireland, Iresch Eire), an aus der Brittescher Kroundependence Insel Man (Isle of Man) déi net zum vereenegte Kinnekräich gehéiert.