Yakub Kolas
Yakub Kolas o Jakub Kołas (en lingua byelorusa: Якуб Колас) era un eskritor bieloruso nasido el 3 de Noviembre de 1882 en la viya de Akinchytsy i muerto el 13 de Ogusto de 1956 en la sivdad de Minsk.
Su nombre vedradero era Konstantsin Mitskievich (Міцкевіч Канстанцін Міхайлавіч). Sus ovras son konosidas por su entereso en la vida de los lavorantes del kampo del su payis; de fakto, el su nombre literario (Kolas) sinyifika espiga.
Ovra
[trocar | trocar el manadero]Él eskrivió las koleksiones de kansiones "Poeziyas de Prizión" (1908) i "Kansiones de Truvlasion" (byeloruso: Песьні-жальбы, 1910), "Poeziyas de una tyerra mueva" (bielorusa: Новая зямля, 1923) i "El múziko Simón" (bielorusa: Сымон-музыка, 1925) , endemas de kuentos kurtos i ovras para teatro. Su poema "La kaza del Pishskador" (bielorusa: Рыбакова хата, 1947) avla de la brega diskués de la union de Belarus kon la Union Sovyetika. La su trilojiya "Enel kruse de kaminos" (1954) versa ensima de la vida anterior a la revolusion rusa de los lavorantes del kampo de Belarus i la intelektualidad demokratika. Resivió endemas el Premio Nasyonal de la URSS en 1946 i 1949.