Pueblo djudio
El Pueblo djudio es un grupo étniko-relijiozo el kualo tiene su orijin en los antikos yisraelis del Medio Oryente i de akeyos ke izieron giur (konversion) desde la antikitá asta muestros diyas, adoptando ansina la relijion i kostumbres del grupo para eyos. La relijion es por esto, un aspekto de emportansia sentrala a la definision étnika del pueblo djudio, afilu egzisten munchos aspektos en komun, komo la lingua, kultura, uzos i kostumbres. La definision prechiza de "djudio" puede antonses ser diferente, dependiendo del enfasis ke se aga en la identidad relijioza, étnika o sosyolojika.
Los djudios an tinido una lunga istorya de persekusion en kaji todo el mundo i su povlasion total a trokado kon el tyempo. Aktualmente, la majorita de las autoridades konsideran ke la povlasion djudia en todo el mundo esta entre 12 i 15 milyones[1], la majorita de eyos biviendo en Israel i en los Estados Unidos.
Etimolojiya
[trocar | trocar el manadero]El biervo djudo (en ivrit: יהודי / Yehudi) viene de Yuda (o Yehuda, en ivrit, el kualo era uno de los doze ijos de patriarka Yaakov). Yuda (o su versiyon gréga Iudea) se uzaba para yamar a una entidad politika ke egzistió en la rejion oryentala de la Mar Mediterraneo entre 1000 anyos antes de la Era Komun i kuanto menos asta un syéklo dempues. Los abitantes de esta rejion se konosieron komo "djudíos", biervo ke tiene ekstendido a akeyos ke emigraron desde esta rejion verso otros paezes i los sus ijos. En kastilyano, por egzempio, el biervo judío viene del biervo en lingua latina Iudaeus, el kualo a su vez se deriva del biervo grégo Ioudaios (Ἰουδαῖος). Egziste ekivalensia etimolójika en otras linguas, como Jude en almán, Juif en fransez, Jueu en katalan, Jew en inglez, Jood en lingua olandesa, Jode en afrikaans, Judeu en portugez, Xudeu en gayego, Chodigo en aragonez, Jøde en danez, Zsidó en ungariano, Żyd en polako, Yid en idish, يهودي en arabo i otras.
El biervo Djudio no aparese en la Tora, ma afilu aparese en los otros livros del Tanah.
Referensias
[trocar | trocar el manadero]
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.