El Muzeyo de la Galut
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
![](http://upload.wikimedia.org/wikipedia/commons/thumb/d/d4/PikiWiki_Israel_6869_museum_of_the_diaspora.jpg/250px-PikiWiki_Israel_6869_museum_of_the_diaspora.jpg)
El Muzeyo de la Galut Nahum Goldman se topa enel kampus de la Universita de Tel Aviv, en Ramat Aviv. El muzeyo, endemas yamado Bet Atefusot i ke fue aperturado enel anyo 1978, amostra de manera permanente en tres levelos la istorya unika de Am Israel a traverso del tiempo, uzando elementos komo boz, video, filmos, restorasiones, dioramas, paredes kon imajenes i otros. El muzeyo amostra la kestyon de la egzistensya de las komunitas djudias espartidas por todo el 'olam i komo kudiaron la su erensia, forma de vida i valores.
De manera permanente se amostran kestyones espesialas enel djudaismo: la famiya, la komunita, la fey, la kriasion, la egzistensia i la relasion kon los goyim, endemas de la aliya. Los ke vijitan el muzeyo endemas pueden entrar a kamaretas para estudiar i bushkar en bazas de datos filmos, jenealojiya, muzika djudia, informasion ensima de las komunitas djudias i el orijin i sinyifikado de las alkunyas djudias. Enel muzeyo endemas se puedem ver amostras de temas komo la fotografiya de las komunitas, la istorya de las artes djudias i otros. Bet Atefusot organiza aktivitades para elevos de eskola i universita, olim, soldados, maestros, ets, ansina komo evenementos kulturalos lisionados kon la Gola.
Atamientos eksternos
[trocar | trocar el manadero]- Beyt ha-Tefutsoth מוזיאון בית התפוצות
- Museum of Jewish Diaspora - Beit Hatefusoth at ilMuseums.com
- Tracing History in Israel - slideshow by The New York Times