Bursa
|
Bursa ez sivdad en norte-oeste de Turkiya. Ez la kuatrena sivdad de grandor i de populasion de Turkiya. Tiene rikezaz naturalas i estorikas i una sivdad muy adelantada en la ekonomiyade la Turkiya. En Bursa ay munchos monumentos istorikos del tiempo de los Otomanes a kavza ke era la kapitala del governo Otomano Bursa ez adelantada kon los merkados, parkes, i muzes. Aparte de esto Bursa ez la sigunda de grandor dospuez de Estanbol en la kosta de Marmara. Ez una de laz maz emportantes sivdad de komersio, i tyene la exportasion maz grande dospuez de Estanbol. Los djugadores de futbol Bursa Spor fue shampion en los anyos 2009-2010 Turksell Super Lig.
Bursa ez una sivdad en el norte oeste de la Turkiya, es nombrada komo sivdad grande, en el anyo 2007 la populasion era 1.504.817 moradores.
El nombre Bursa es vinido de los gregos ke era Prusa i kon el tiempo se troko a Bursa. La sivdad fue fondada en el 2. sieklo ac. Dospues ke paso a las manos de los Ottomanos en el anyo 1326 fue la kapitala fina el 14. sieklo.
Bursa se topa debasho del monte Uludag 2493 mr. De altor . Aya se topa el sentro de ski el maz grande del paiz. La sivdad se esta aparejando para entrar a la olimpiada de invierno en el anyo 2018. En el doredor de la sivdad se topa termal de aguas kaentes ke sale de la tyerra i esto kavzo al sentro de turizmo del invierno. Aya ez el sentro de la endustria de seda.
Djudios de Bursa
[trocar | trocar el manadero]![](http://upload.wikimedia.org/wikipedia/commons/thumb/e/e0/Statue_of_Atat%C3%BCrk_in_Bursa.jpg/250px-Statue_of_Atat%C3%BCrk_in_Bursa.jpg)
En el tyempo de los Bizantinos biviyan en Bursa djudios romaniotes ke avlavan en grego. En el anyo 1324 dospuez de la konkista de los otomanos el sultan Orhan permitio de fraguar la sinagoga Ets A Hayim. Dospues ke vinyeron los djudios ke fueron aroncados de la Espanya se mesklaron kon lo djudios del lugar. Entre las famozas sinagogaz aviya la sinagoga (a girush) . En el anyo 1955 kadaron en Bursa 500 djudios, i agora solo 140 djudios. En el tyempo de la Primera Gerra Mondiala fueron embiyados a la sivdad los grandes del partido A Shomer. Avshalom Fainberg . El kedo aya fina ke le vino la permision para salir a la Evropa. En la sivdad biviyan sus paryentes ke fueron arondjados de Israel porke eran partido A Shomer.
Los djudios de Bursa en Israel
[trocar | trocar el manadero]Los djudios de Bursa en Tukiya i Gresia kon el tyempo emigraron a Israel i se aresentadon en sivdades antiguas komo parte de la keila sefaradi. En Yerushalayim en el anyo 1932 se fondo un kal en la kaleja aneviim, kon el nombre de Ole Bursa. En el kal dainda se kantan los vyejos kantes al uzo sefaradi, i diyas de Shabat i mued ay un poko minyan. En el kal ay livros de Tora muy emportantes, i entre eyos un livro de ley ke fue salvado de la sivdad vyeja antes ke kayera en las manos del lejion Arabo, el livro de ley del kal Girush ke fue trayido de Bursa, i otro livro de ley ke estuvo en la tomba de Rahel.
Kaminos de treno
[trocar | trocar el manadero]En Turkiya por la primera ves se merko el kamino de del shemendefer para Mudanya, ama no uvo kamino de treno para Bursa. En el anyo 2011 estan pensando de azer un treno express.
Metro
[trocar | trocar el manadero]En Bursa para arivar al treno se uza el metro. Esto se empeso en el anyo 1998. El metro en munchos lugares del este i el oeste ata a munchos kazales i sivdades. A estos kaminos se metio el nombre de Bursaray de parte de la munisipalidad.
Este kamino esta lovorado de parte de la munisipalidad de Bursa ke se yama la kompaniya Burulash. Este nombre fue tomado komo exemplo al metro de Ankara ke se yama Ankaray. Esto ez un proje ke tiene dainda munchos problemas i dainda no se eskapo. En el 2002 por primera ves se avyo dos kaminos.
El primer kamino empesa de Organize Sanayi i eskapa en Shehrekustu. El sigundo kamino empesa de Kuchuk Sanayi i eskapa gene en Shehrekustu. Estos doz kaminos sureyo 5 anyos, se eskapo de lavorar en el 2008 i arivo fina Arabayatagi. La largor de estos kaminos ez 29 km.
Tamvay
[trocar | trocar el manadero]En Bursa en la kaleja Cumhuriyet entre Zafer Meydani i Gokdere lavora el tramvay nostalgi. Esto ayuda al puevlo i para el turizmo, ez una linya de 1.5 km. Esta linya se avio para el puevlo en el 28 de mayo 2011. Komo esto fue muy konsiderada para el puevlo se avyo otruna linya. El lavoro empeso en el 20 de yulio 2011 i fue alargado fina Davut Kadi en el sentro de Yildirim. Esta linya se avio al puevlo kon seremonya en la data 5 en noviembre 2011.
Teleferik
[trocar | trocar el manadero]Esto ez un sistema para alivyanar el arivo del puevlo de Bursa para Uludag. Este ez el teleferik maz largo de Turkiya ke se topa en Bursa. Esto se fondo en el anyo 1963 entre Teferruch i Sarialan. En la estasyon Kadi Yayla ke se pasa de una estasyon ala otra la largor ez 4766 metros. Esta teleferik ez el primer en Turkiya. En el anyo 2010 empesaron un proje ke esto se alargo i ala parte de loz oteles fina 8.8 km. I esto va tomar fina 16.000 personaz.
Sivdades ermanadas
[trocar | trocar el manadero]
|
|
Atamientos eksternos
[trocar | trocar el manadero]