Unda

Undae in aqua moventes dilatantesque.

Unda est fluctus vel fluctuatio vel conturbatio in substrato aliquo, exempli gratia sonus in aëre, fluctus in mari, lux in vacuo. Generaliter undae ex pulsibus non periodici constant, sed omnes pulsus analyzari possunt respecto undis sinusoidalibus periodicis, quae frequentias distinctas habent.

Unda sinusoidalis

Unda currens in momento quodam capta longitudinem λ et amplitudinem A monstrat.

In mathematica physicaque, undae sinusoidales sunt undae sinusoidi forma. Exempli gratia unda sinusoidalis ad directionem x currens datur a formula:

$y(x,t)=A\sin(kx-\omega t+\phi ),\,$

ubi:

A est amplitudo undae, vel altitudo sui fluctus,

ω = 2 π f est frequentia angulosa,

k = 2 π/ λ est magnitudo vectoris undalis,^?

x est distantia,

t est tempus, et

φ est constans quoddam.

In his formulis, longitudo λ est distantia inter undae maximas in temporis momento quodam appositas, et frequentia f definitur ut aequalis sit inversae periodi T, sicut f= 1/T, ubi T est tempus inter undae maximas in singulo loco appositas.

Celeritas undae pulsusque

Unda stataria creata a ingerentia inter unam (caerulam) ad dextram ientem et secundam (rubram) ad sinistram ientem.

Celeritas undae sinusoidalis C_s est simpliciter a frequentia f et longitudine λ sua determinata per formulam:

$C_{s}=\lambda f={\frac {\omega }{k}}$.

Pulsus, autem, generaliter ex multis undis sinusoidalibus iunctim constant cui sunt multae f, k et C_s distinctae. In quodam substrato, igitur, est celeritas $C_{p}$ cuidam pulsu $y=f(x,t)$ a distributione f vel k vel C_s sua determinata. Si habeamus ω(k), ut functio magnitudinis k, et $A(k)$ e formula

$f(x,t=0)=\int _{-\infty }^{+\infty }{\frac {A(k)}{\sqrt {2\pi }}}\,e^{ikx}\,dk,\,$

tunc pulsus celeritatem possumus scribere

$C_{p}=\left\langle {\frac {\partial \omega }{\partial k}}\right\rangle =\int _{-\infty }^{+\infty }|{A(k)}|^{2}\,{\frac {\partial \omega }{\partial k}}\,dk.\,$

Etiam, si ω = constans × k vel constans × k², tum pulsus celeritas simpliciter aequat ${\frac {\partial \omega }{\partial k}}$ quam evaluamus valore k medio utendo. Exemplum speciale est unda stataria, in imaginem adhinc monstrata, cui valore zero adamussim est et magnitudo k media et pulsus celeritas C_p.

Phaenomena quae undae ostendunt

Cymatica (e Graece τα κυματικά) est scientia quae de rebus undarum investigat, cuius sunt exempla:

• Dispersio
• Effectus Doppler
• Fluctus Gravitatis
• Inherentia et superpositio
• Polarizatio
• Reflectio
• Refractio

Exempla

• Color
• Lux
• Sonus
• Undae seismicae
• Megacymata
• Unda radioelectrica

Nexus interni

• Principium Hugenianum

Nexus externi

Vicimedia Communia plura habent quae ad undas spectant (Water waves, Waves).