Telposiz
![](http://upload.wikimedia.org/wikipedia/commons/thumb/8/84/%D0%A2%D0%B5%D0%BB%D1%8C%D0%BF%D0%BE%D1%81-%D0%B8%D0%B7_-_panoramio_%282%29.jpg/220px-%D0%A2%D0%B5%D0%BB%D1%8C%D0%BF%D0%BE%D1%81-%D0%B8%D0%B7_-_panoramio_%282%29.jpg)
Telposiz (Russice Тельпосиз, in lingua Komiensi Тöлпозиз, i.e. Mons Nidi Ventorum) est mons Russiae, in Komiensi re publica situs. Extremitas est septentrionalis montium Uralium Borealium. Duo cacumina habet, quorum altius 1617 m altitudinis est. Ad ripam laevam Stzuchogorae fluvii in saepto nationali Iugyd Va (quod est pars Silvarum intactarum Komiensium) situs est. Lapidibus fissilibus et saxis arenaceis conglomeratisque compositus est. Taiga declivia operit, sed supra 500 m tundra montana est.
![](http://upload.wikimedia.org/wikipedia/commons/thumb/4/48/View_of_mountain_Telpos-Yz._%D0%9A_%D1%81%D0%B5%D1%80%D0%B4%D1%86%D1%83_%D1%81%D0%B5%D0%B2%D0%B5%D1%80%D0%BD%D1%8B%D1%85_%D0%B3%D0%BE%D1%80_-_panoramio_part_cr.jpg/220px-View_of_mountain_Telpos-Yz._%D0%9A_%D1%81%D0%B5%D1%80%D0%B4%D1%86%D1%83_%D1%81%D0%B5%D0%B2%D0%B5%D1%80%D0%BD%D1%8B%D1%85_%D0%B3%D0%BE%D1%80_-_panoramio_part_cr.jpg)
Fabulae Komienses Voipelem deum Jenis filium ventorum et frigoris dominum in cacumine Telposizensi habitare narrant, unde et nomen montis. Nenetice mons Nė Chėchė, i.e. Idolum Femina nominatur, nomen Mansiense Nė Pupyg Nër (Mons Idoli Feminae) a Nenetis mutuatum esse videtur.
Nexus externi
[recensere | fontem recensere]![]() |
Situs geographici et historici: Locus: 63°55′7″N 59°10′53″E, 63°55′4″N 59°11′15″E • GeoNames |