Spaceballs
Spaceballs ('Globi Caelestes') est pellicula comica (anni 1987) a Mel Brooks facta. Est cavillatio pellicularum utopicarum aliarum ut Star Wars, ut pellicula maximi momenti cavillationis istius proferatur.
Argumentum
[recensere | fontem recensere]Mundus Globi Caelestes deficit aere. Consilio imperatoris eius Scroobis, Druidia, qui mundus alius est, cogatur - filia regis Vespa et roboto Dotti femineo eius raptis - pati aera Druidicum machina ingenti sugi, ut in Globos Caelestes transferatur. Rex Druidiae munus filiae servandae nautae caelesti ebrioso, Lone Starr, eiusque amico Valdi, qui est "honis" (Anglice mawg; Theodisce Möter - id est nomen fictum generis, quod speciem et hominis et canis habet) mandat. Is munus accipit, quod feneravit magnam copiam pecuniae apud mafiosum Pizzam illum Hutt (Anglice Pizza the Hutt; Theodisce Pizza-Mampf), qui eam nunc reposcit. Filia regis absurdo modo servata tamen Loni Starro fuga non contingit, ut ei mundo vasto appellendum sit. Auxiliantibus homunculis vix servati Lone Starr, Vespa, Dotti, Valdique Yoghurtem, virum parvum viridemque, obviam fiunt, qui sapiens esse dicitur et Lone Starr potestatem "Suci" docet, ut iste hostem Principem Galeaculam (Anglice Lord Dark Helmet; Theodisce Lord Helmchen) vincere possit.
Nexus externi
[recensere | fontem recensere]- De hac pellicula in Indice Interretiali Pellicularum (Anglice)