Rolandus Bonaparte
Rolandus Bonaparte
Obitus: 14 Aprilis 1924; Lutetia
Patria: Francia
Familia
Coniunx: Marie-Félix Blanc
Proles: Maria Bonaparte
Familia: Bonaparte
Rolandus Neapolio Bonaparte, sextus princeps Canino et Musignano (natus clara familia Bonaparte Lutetiae die 19 Maii 1858; ibidem mortuus die 14 Aprilis 1924) fuit scriptor,naturae studiosus, anthropologus et botanista Francicus. Siglum scientificum eius est Bonap. Discipulus in Schola militari Sancti Cyrus erat. Die 18 Novembris 1880 in matrimonium duxit Lutetiae Mariam-Felicem Blanc, filiam viri argentarii et aleatorii possessoris Francisci Blanc. Matrimonio ei, quod valde felix fuisse videtur, Maria Bonaparte orta est. Ea psychoanalysis perita fuit, quae anno 1907 principi Graeciae Georgio nupsit.
Uxor autem paulo post partum phthisi mortua ei fortunas maximas reliquit. Itaque Rolandus multas expeditiones in Africam, Asiam et Americam parare atque instituere potuit. In villa sua Parisiensi ad stratam Avenue d'Iéna n° 10 sita collectiones scientificas tenebat; ibi herbarium totius mundi maximum videri potuit. Quod post mortem Societas geographiae, cuius praeses Rolandus fuerat, accepit. Anno 1919 autem praefuit Societati botanicae Francicae.
Tituli et honores
[recensere | fontem recensere]
- Officier de la Légion d'honneur (Legionis honoris)
- 1895: membrum apud Societatem Philosophicam Americanam[1]
- 1910–1924: praeses Societatis geographicae
- 1919: membrum Academiae Scientiarum Francicae
- 1922–1924: praeses Unionis geographicae internationalis
- Montes Transantarctici cacumen Mount Bonaparte habent, quod indagator Britannicus Ernestus Shackleton pro Bonaparte nominavit.
- in Subantarctica in Insula Antverpiae explorator Francicus Ioannes Baptista Charcot fretum quoddam pro Bonaparte nuncupavit (Bonaparte Point)
Opera selecta
[recensere | fontem recensere]- 1884 Les Habitants de Suriname, notes recueillies à l'Exposition coloniale d'Amsterdam en 1883
- 1885 Les Derniers voyages des Néerlandais à la Nouvelle-Guinée
- 1890 Le Premier établissement des Néerlandais à Maurice
- 1891 Une Excursion en Corse
Bibliographia
[recensere | fontem recensere]- France Duclos, « Un collectionneur, sa bibliothèque et la Société de géographie : Roland Bonaparte (1858-1924) », dans Acta geographica, n°107, 1996.
- Gérard Joly, « Bonaparte (Prince Roland) », in Dictionnaire biographique de géographes français du XXe siècle, aujourd'hui disparus, PRODIG, Paris, hors-série Grafigéo, 2013, p. 39 (ISBN 9782901560838).
- R. Verneau, « Le Prince Roland Bonaparte », Journal de la Société des améicanistes, vol. 16, 1924, p. 389-394