Lamiales
Lamiales sunt ordo in grege asteridarum, qui circa 11 000 specierum, in circa decem familiis positarum comprehendit. Notissimae vel oeconomice gravissimae huius ordinis plantae sunt Antirrhinum, Fraxinus, Jasminum, Lavandula, Melampyrum nemorosum, Olea europaea, Psyllium ovata, Psyllium psyllium, Syringa, Tectona, Sesamum indicum, et nonnullae herbae condimentariae, praecipue Mentha, Ocimum basilicum, Origanum majorana, Origanum vulgare, Perilla, Rosmarinus officinalis, Salvia officinalis, Satureja, et Thymus.
Proprietates
[recensere | fontem recensere]Species huius ordinis has proprietates plerumque habere solent, sed non omnes ad unum:
- ovarium superius, duobus carpellis connatis compositum
- petala quinque, in tubo coniuncta
- corollae bilateraliter symmetricae, saepe bilabiatae
- stamina fertilia quattuor vel pauciora
Historia taxonomica
[recensere | fontem recensere]Lamialibus olim fuit circumscriptio definita (e.g., ab Arthuro Cronquist facta), quae familias maiores Lamiacaeas (Labiatas), Verbenaceas, et Boraginaceas comprehendit, cum paucis familiis minoribus. Recentiores investigationes phylogeneticae Lamiales esse polyphyleticos in ordinem Scrophularialium probaverunt, et ambo greges uno in ordine usitate coniunguntur, qui obsoletos Hippuridalium Plantaginaliumque ordines comprehendit. Lamiales facti sunt antepositum huius maioris gregis mixti nomen. Incertus est status Boraginacearum, sed studia phylogenetica hanc familiam ad Lamiales non pertinere probant.
Circumscriptio Scrophulariacearum, gregis paraphyletici olim habitarum, a proprietatibus plesiomorphicis primo definiti, ex quo grege numerosae Lamialium familiae deductae sunt; radicitus autem nunc mutata est ut familiae pauciores, melius definitae, et secundum opinationem monophyleticae, creantur.
Nexus interni
Nexus externi
[recensere | fontem recensere]![]() |
Vicimedia Communia plura habent quae ad Lamiales spectant. |
![]() |
Situs scientifici: Tropicos • Tela Botanica • ITIS • NCBI • Biodiversity • Encyclopedia of Life • WoRMS: Marine Species • Fossilworks |
- Dissolutio Scrophulariacearum.
- Lamiales.
- A parsimony analysis of the Asteridae sensu lato based on rbcL sequences.
- L. Watson et M. J. Dallwitz (1992+). The families of flowering plants: descriptions, illustrations, identification, information retrieval.
![]() |