Innviertel
![](http://upload.wikimedia.org/wikipedia/commons/thumb/9/90/Karte_Aut_Ooe_Innviertel.png/220px-Karte_Aut_Ooe_Innviertel.png)
Innviertel ("quadrans Aeni"; publice: Innkreis) est pars Austriae Superioris boreo-occidentalis unaque ex quattuor regionibus civitatis. Nomen "Innviertel" a flumine Aeno, qui confinium cum Bavaria est, tractum est. Post circulos administrativos anno 1868 constitutos quadrantes Austriae superioris, qui dicuntur, re politica carentes nihil nisi nomina regionum pristinarum sunt, qui in sermone cottidiano et ad periegesim fovendam in usu manebant.
Historia
[recensere | fontem recensere]Aliter ac ceterae Austriae Superiores partes maxima huius regionis pars usque ad annum 1779, cum Pace Teschenensi Austriae adiuncta est, ad Bavariam pertinuit. Novum territorium primo "quintus quadrans" dictum postea nomine "Innviertel" appellatum est, postquam Mühlviertel et Machlandviertel coniuncti sunt, ut iterum quattuor "quadrantes" essent.
Indoles regionis
[recensere | fontem recensere]Innviertel natura fertili condensus est vicis ac urbibus, quae in planitie inter fluvios Salzaham, Aenum, Danubium et colles Hausruck patent. Innviertel ciriciter 2250 km² tegit, incolae sunt fere 218.000. Urbes maximae sunt Braunau ad Aenum (17.518 incolae) et Rieda (12.220). Non minus nota est urbs Schärding (5269 incolae), quae aedificiis barocis multos periegetas attrahit.
Pinacotheca
[recensere | fontem recensere]-
Forum principale urbis Schärding ("linea argentea" baroca)
-
Tabula regionis historica (1779)
-
Postquam bellum successionis Bavariae post mortem Maximiliani III Iosephi ortum; pace Teschenensi finitum est, Innviertel pars Austriae Superioris factum est.
-
Leo Palatinus et rhombus Bavaricus in insigni urbis Braunau
-
Regio prope Braunau ad montes spectans
-
Commune Engelhartszell ad Danubium situm
-
Burgus Oberranna temporis Romani prope Engelhartszell
-
Officina principalis societatis KTM AG in Mattighofen
-
Ried, forum principale
Bibliographia
[recensere | fontem recensere]- Günther Kleinhanns, Anton Hauser: Das Innviertel. Jugend und Volk, Vindobonae 1991, ISBN 3-224-17656-3.
Nexus externi
[recensere | fontem recensere]![]() |
Vicimedia Communia plura habent quae ad Innviertel spectant. |
Quadrantes antiquiores (ante 1779): Hausruckviertel • Traunviertel • Machlandviertel • Mühlviertel
| |