Dragomirus Tsankov
![](http://upload.wikimedia.org/wikipedia/commons/thumb/c/cd/Dragan-Tzankov.png/220px-Dragan-Tzankov.png)
Dragomirus Kiriakov Tsankov (Bulgarice: Драган Кириаков Цанков, natus 25 Octobris 1828 in oppido Novae, mortuus 11 Martii 1911 Serdicae) rerum politicarum peritus Bulgaricus erat.
Munus
[recensere | fontem recensere]Post scholam finitam Tsankov Odessae et Kioviae paedagogiae studebat, ut magister fieret. Deinde annis 1848 - 1850 in urbe Galaţi hoc munere fungebatur. Deinde Vindobonae studebat et annis 1859 - 1863 diurnarius operam dedit. Anno 1861 pro sctis diurnis a Roma scripsit. Ab anno 1863 minister publicus administrationis Imperii Ottomanici factus est et iterum magister erat, inter alia in Sexantaprista atque Naisso. Annis 1872 - 1876 administer publicus in Constantinopoli erat.
Cursus honorum
[recensere | fontem recensere]1876 tum unus ducum seditionis Bulgaricae contra Imperium Ottomanicum et anno 1877/78 particeps Belli Russici Ottomanici erat. Anno 1879 legatus ad primum Parlamentum Bulgaricum factus est et cum aliis primam constitutionem Bulgariae composuit. Die 7 Aprilis 1880 primo ab Alexandro I principe praeses ministrorum Bulgariae nominatus est. Tenuit hoc officium ad diem 10 Decembris 1880. Iterum a die 19 Septembris 1883 ad usque 11 Iulii 1884 praeses ministrorum erat. Ad usque 1903 legatus parlamenti erat.