Detectorium mendacii

Nulla Vicipaediae Latinae pagina huc annectitur.

Quaesumus in alias commentationes addas nexus ad hanc paginam relatos. Quo facto hanc formulam delere licet.

Català: No hi ha cap article a la Viquipèdia en llatí que enllaci amb aquest. Si us plau, aneu a una pàgina relacionada amb el tema i afegiu-hi un enllaç que dirigeixi el lector cap aquí. Un cop ho hagueu fet, podreu esborrar la plantilla.
Deutsch: Kein anderer Artikel der lateinischen Vicipaedia verweist auf diesen. Bitte füge in einem nahverwandten Artikel einen Verweis hierhin ein. Sobald dies geschehen ist, kann diese Vorlage entfernt werden.
English: No other page on the Latin Vicipaedia links to this. Please go to a closely related page and insert a link pointing here. Once that is done, this header can be deleted.
Esperanto: Neniu alia paĝo de la latinlingva Vikipedio havas ligilon al tiu ĉi paĝo. Bonvolu iri al teme proksima artikolo kaj meti ligilon tien ĉi. Poste vi rajtas forigi la atentigilon pri ligilmalĉeesto.
Italiano: Nessun'altra pagina sulla Wikipedia in latino si collega a questo articolo. Vai a una pagina strettamente correlata e inserisci un link che punta qui. Fatto ciò, questa intestazione può essere cancellata.

**Polygraphum**, instrumentum in mendacio detegendo usitatum

Detectorium mendacii^[1] est instrumentum ad reactiones physiologicas metiendas persignandasque factum. Utile esse creditur verbi gratia magistratui aliquem hominem de facinore interroganti. Detectoria mendacii duorum generum sunt: polygraphum etiam nunc multifariam in usu est, sed usus photocamerae nuper delatus est.

De polygrapho

Quaesitores antea polygrapho usi sunt detectorio mendacii. Polygraphum enim sensoriis cum corpore hominis qui interrogatur copulatur, ut palpitationem cordis, pressionem sanguinis, conductivitatem electricam cutis aliasque corporis actiones metiatur. Qua mensura quaesitor hominem, an commotus perturbatusque sit, et an mentiatur, examinare conatur. Fides harum probationum in dubium vocari potest, quod aliis quoque causis quam mendacio animus commoveri potest. Contra ea sunt qui ab animi commotibus se temperare valeant. Inquisitio polygraphica non solum mendaciis detegendis sed etiam examinandis memoriae vestigiis servit, nam etiam, eventum quoddam quomodo varios intellectus habeat, investigatur. Examen polygraphicum ad psychopathicos examinandos inefficax est, quippe qui quaestionibus perturbari non soleant.

De photocamera

Anno 2011 delatum est detectorium mendacii quod constat ex binis photocameris, quarum una vultum^[2] observat, altera temperaturam subtercutaneam faciei notat. Vulticuli (sive microvultus), quos nemo temperare valet, vel sollertissimum observatorem humanum fugere solent. Sed haec machinatio observatrix 70 fere centesimas vulticulorum notat. Qua machinatione etiam in aeroportibus personae suspiciosae cribrari possunt.

Notae

↑ Tuomo Pekkanen & Reijo Pitkäranta, Lexicon hodiernae Latinitatis Finno-Latino-Finnicum. Societas Litterarum Finnicarum, 2006.
↑ Quem Cicero "imaginem animi" dixit (De oratore 3.221).

Bibliographia

Alder, Ken (2009) The Lie Detectors: The History of an American Obsession. Bison Books.
Bunn, Geoffrey C. (2012) The Truth Machine: A Social History of the Lie Detector. Johns Hopkins University Press.
Lykken, David (1998) A Tremor in the Blood. Basic Books.
Rill, Hans-Georg (2001) Forensische Psychophysiologie: Ein Beitrag zu den psychologischen und physiologischen Grundlagen neuerer Ansätze der „Lügendetektion“. Johannes Gutenberg-Universität.

[1] Tuomo Pekkanen & Reijo Pitkäranta, Lexicon hodiernae Latinitatis Finno-Latino-Finnicum. Societas Litterarum Finnicarum, 2006.

[2] Quem Cicero "imaginem animi" dixit (De oratore 3.221).

[1]

[2]