Almata

Almata^[1] (Kazachice Алматы/Almatı) est maxima Kazachstaniae urbs. Caput rei publicae erat usque ad annum 1997, cum Astanae cederet; Almata etiamnunc "caput meridianum" aliquando appellatur. Aestimatione anno 2015 facta, 1 552 349 incolas habet.

In Medio Aevo fuit habitaculum nomadum Turcicorum et Mongolicorum. Hic anno 1854 castra Imperii Russici structa sunt, Zailijskoe (Заилийское), deinde Vernoe (Верное) et Almatinskoe (Алматинское) nuncupata. Ab anno 1867 Vernyj appellabatur, et ab anno 1921 Алма-Ата Alma-Ata. Anno 1993, administratores novae rei publicae Kazachstanicae nomen ad Almaty mutavit; Alma-Ata autem manet in Russia nomen usitatum.

Clima

Urbi Almata clima est continentale humidum per enumerationem Köppen–Geiger, aestate calida, hieme frigida; temperatura aëris media mense Ianuario −4.7° atque mense Iulio 23.8°, minima inter −8.4° et 18°, maxima inter 1° et 30°, sed minima extrema usque hodie nota −37.7°, maxima extrema 43.4°; pluviis mense Septembri ad 27 mm tantum, mense Aprili 107 mm, anno toto non minus quam 684 mm elevatis; pruinis die circiter 14 Octobris incipientibus, circiter 18 Aprilis recedentibus, aëre valde frigida ab 19 Decembris circiter ad 23 Februarii superiacente; diebus pluviosis per annum totum fere 122, nivosis fere 53 incidentibus; humiditate relativa inter mensuras 45% mense Augusto et 79% mense Decembri reperta, horis solis fulgentis mense Decembri 101, mense Iulio 306, per annum totum non minus quam 2 356 repertis.^[2]

Notae

↑ Vide "Dioecesis Sanctissimae Trinitatis in Almata" e The Hierarchy of the Catholic Church (situs a Davide M. Cheney elaboratus) (Anglice). Vel Fida, a nomine vetere Верный, videas: Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 427.
↑ Res climatologicae e Vicipaedia Anglica extractae, fontibus fidei dignis ibi citatis