Alanus Moore

Alanus Moore (natus Alan Moore die 18 Novembris 1953) est Britannicus librorum nubeculatorum scriptor. Eius opera notissima Watchmen ('Custodes'), V for Vendetta ('S pro simultate') et From Hell ('Ab Inferis'), quae nubeculatorum Americanorum formam aliqua ex parte mutaverunt, quorum nonnulli posthac, ut ita dicamus, tenebrosiores et horridiores (Anglice grimmer and darker^[1]) facti sunt. Nonnumquam nomina ficta usurpavit, inter quae Curt Vile, Jill de Ray, Translucia Baboon, et The Original Writer ('Scriptor Primus'). Primum pro societatibus Anglicis, deinde pro Americanis laboravit, quarum duae maximae tamen, DC Comics et Marvel Comics, iam diu est quod Alano Moore tam exsecrandae visae sunt ut omni consociationi cum iis omnino abnuerit.

Notae

↑ "Cum scriptores ut Frank Miller and Alan Moore magis magisque populares fierent, societates nubeculatos edentes quid lectores ex iis expectarent intellexerunt. Vestes tenebrosiores, nequissimi crudeliores, heroes horridiores facti sunt, ut mundus nubeculatorum tenebrosior factus sit." (« The success of writers like Frank Miller and Alan Moore (...) gave a message to the industry what their audience desired from them. Costumes became darker, criminals more bloodthirsty, heroes grimmer, and the comic book world became darker.») [1].

Bibliographia

Sabin, Roger. 1993. Adult Comics: An Introduction. Routledge. ISBN 978-0-415-04419-6.
Millidge, Gary Spencer, et Smoky Man, eds. 2003. Alan Moore: Portrait of an Extraordinary Gentleman. Abiogenesis Press. ISBN 978-0-946790-06-7.

[1] "Cum scriptores ut Frank Miller and Alan Moore magis magisque populares fierent, societates nubeculatos edentes quid lectores ex iis expectarent intellexerunt. Vestes tenebrosiores, nequissimi crudeliores, heroes horridiores facti sunt, ut mundus nubeculatorum tenebrosior factus sit." (« The success of writers like Frank Miller and Alan Moore (...) gave a message to the industry what their audience desired from them. Costumes became darker, criminals more bloodthirsty, heroes grimmer, and the comic book world became darker.») [1].

[1]