Ekologieth

Koral war Flynn Reef, rann an Krib-bar Meur Ostrali yn ogas dhe Cairns, Queensland, Ostrali.

Ekology yw an rann a vewonieth a studh an kolmow ynter organedhow bew, y'ga mysk tus, ha'ga kergynnedh fisegel. An ger a dheu a'n Grek oikos = chi; logos = studhyans ha'n lostelven 'ieth'. Godhonydhyon a studh a desten yw henwys ekologydhyon.

Studhys yw organedhow orth nivel unigyon, poblans, kemeneth, ekokevreythow ha'n bewgylgh. Ekologieth yw kelmys gans an skiensow perthynek a vewdhoronieth, bewonieth esplegyek, genynnek, ethologieth hag istori naturel. Awos ekologieth dhe styrya py furv pynag a vewliesekter, ekologydhyon a hwither puptra a vakteria munys yn eylgylghya megyansow dhe'n effeythyow a goswigow glaw trovannel war ayrgylgh an Norvys. Chanj an hin yw pur bosek yn hwithrans ekologiethek lemmyn.

Yma lies us hewul a ekologieth yn bewonieth witha, dyghtyans glyptir, menystrans asnodhow naturel (ammeth, koswigeth, pyskvaow), towlans sitys (ekologieth trevek), yeghes kemenethel, erbysieth ha godhonieth gweythresek.

Yma'n erthygel ma owth usya an Furv Skrifys Savonek a-barth Kernowek kres.

Onan a'n kans erthygel posekka war Wikipedya yw an erthygel ma.