Binkom

Binkom
Binary relation
biguhêre - Wîkîdaneyê biguhêre

"A binkomeka B ye" an em dikarin bibêjin "B serkomeka A ye".

Di matematîkê da, bi taybetî di bîrdoza komê da, koma A binkomeka koma B ye heger A di hundira B da cih bigre. Dibe ku A û B wekhev (yeksan) bin. Heger A û B yeksan bin (herdu xwedî heman endaman bin), heryek binkoma ya dine.

Pênas

Heger A û B herdu "kom" bin, û her endamekî A endamê B jî be, wê demê:

• A binkoma B ye, û tê nivîsîn: $A\subseteq B$,

an bi awayekî hevseng:

• B serkoma A ye, û tê nivîsîn: $B\supseteq A.$

Heger A binkoma B be, lê A û B neyeksan bin (herî kêm yek endamê B di A da nebe), wê demê:

• A binkoma rast (an jî misoger) a B ye, û tê nivîsîn: $A\subsetneq B.$

an bi awayekî hevseng:

• B serkoma rast (an jî misoger) a A ye, û tê nivîsîn: $B\supsetneq A.$

Nimûne

• Koma {1, 2} binkomeka rast a koma {1, 2, 3} e.
• Her komekê binkomeka xwe ye, lê ne binkomeka rast.
• Koma vala, ku nîşana wê $\varnothing$ e, binkoma her komeka dine. Koma vala bo her komeka din (ji bilî xwe) herdem binkomeka raste.
• Koma hejmarên xwezayî yek ji binkomên koma hejmarên rasteqîn e.