Anschlääch vam 11. September 2001
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
D Anschlääch vam 11. September 2001 jehüüre zo d vorheerendste Anschlääch, di Terroriste en Amerika ußjevüürd hand. Jeplant woode di Anschlääch van d Jrupp al-Kaida. Et ka komm jesaad weede, wivöll Lüüh hönn Lääve beij di Anschlääch vorloore hand, ävver öt weed va onjeväär 2600 jesproche. Völl wääde ni jevonge wääde.
![](http://upload.wikimedia.org/wikipedia/commons/thumb/f/fd/National_Park_Service_9-11_Statue_of_Liberty_and_WTC_fire.jpg/220px-National_Park_Service_9-11_Statue_of_Liberty_and_WTC_fire.jpg)
Watt passeerde
Ändere- Am vreuje Morje, öt woch jenau öm 8:46 Uhr, raasde dr Fluch AA-11 en dr Nordturm van öt World Treid Centr ä New York.
- Öm 9:03 troff öt zweide Fluchzeuch, Fluch UA-175, dr Südturm.
- Ä Washington troff dr Fluch AA-77 öt Pentajon.
- Öm 10:03 raasde UA-93 en ö Veld beij Pittsburch.
Mo ka sisch vörstelle, dat d 2 Türm van öt World Treid Centr direkt brannte. Watt kenne erwaad hot, passeerde öm 10:28 Uhr. Dr Nordturm stürzde enn. Öt duurde bes 17:20, eeh och dr zweide Turm zsammebroch.
Dat Fluchzeuch, dat öt Pentajon troff, ress en drei Jebäudedeeler ö su jruuß Louch, dat ee Huuß janz zsammebroch.
Zo di Zitt woch dr Fluch UA-93 at entfüührt, un öt weed ajenomme, dat dä öt Wisse Huuß treffe solld. Ävver di Maschiin stürzde vörhen en ö Veld en d Nööde va Pittsburch.
Zaahl va Duude
ÄndereD jenau Zaahl va Duude weed komm öruss komme. Mo schätzt, dat en de Türm zsamme 2590 Lüüh jestorve send. Dovan kutte ävver mä 1600 edentifizeerd wääde. Em Pentajon storve 125 Persune. 246 Passajeere woore en d Fluchzeuje. Dozo koome 19 Attentäter.
Usswerkunge
ÄndereAls Usswerkung van d Anschlääch woode dörch dr Präsident George W. Bush önö Hoov Jesätze vorschärft. Manch neu Jesätz koom dozo. Dodörch soll dovöör jesorcht wääde, dat öt Terroriste schwöödr jemaad weed, en d USA e z reise. Dr Chef van El Kaida, Osama Bin Laden, wood ä Vorstecke en Afjanistan vormuud. Öm hem do z vänge un d Terroriste us öt Land z driive, scheckde dr US-Präsident Soldate en öt Land. Öt fluppde ävver net, Bin Laden ä si Vorsteck z vänge. Völl Terroriste hand d Soldate ävver jeschnappt un vassnämme könne.