Шыршай – раушангүлділер тұқымдас көпжылдық шөптектес өсімдік. Сабағы тік, түзу өседі. Биіктігі 30-50 см. Тамырға жақын орналасқан жапырақтары түкті, дөңгелек пішінді келеді, ал бүйірінде ұсақ жапырақшалары болады. Сабақ жапырақтары үш қатарлы немесе үшке бөлініп келеді. Гүлдері төмен салбырап өседі, ал гүлшоғы тостағаншасы бес бөлікке бөлінеді. Шыршай республикамыздың Павлодар, Семей, Шығыс Қазақстан, Алматы және Шымкент облыстарында өседі. Шыршайдың қала шыршайы деп аталатын екінші түрін болгар медицинасында қабылдауларға қарсы және антисептикалық әсері ретінде жиі қолданады[1].
