Халқ-әл-Уәд

Халқ-әл-Уәд, Голетта (араб.: حلق الوادي‎, ис. La Goulette, итал. La Goletta) – Жерорта теңізіндегі Тунистің астанасы Тунистің порты.

Голетта арқылы Тунистің импорты және экспортының көп бөлігі өтеді. Осы қалада балық аулау флоты да жасақталған. Африканың солтүстігіндегі Испанияның қамалы ретінде 1535 жылы V Карл негізін қалаған.

1535-1574 жылдар аралығында қала мен оның аймағындағы қалалар Испанияның қоластында болған. 1881-1956 жылдары Францияның отары болған уақытта қалаға еуропалықтар көптеп келген. Тунис тәуелсіздігін алғаннан кейін ғана көпшілігі Италия мен Францияға оралады.