Халықаралық велосипедшілер одағы

	Union Cycliste Internationale
	Халықаралық велосипедшілер одағы
	UCI
Спорт түрі	Велоспорт
Аймақ	Дүние жүзі
	Қосымша мәлімет
Төрағасы	Патрик МакКуэйд
Штаб-пәтері	World Cycling Centre; Chemin de la Mêlée 12; 1860 Эгль; Швейцария
Құрылған жылы	Париж, 14 сәуір 1900
	Құрылымы
Басшы ұйым	ХОК
Ұлттық қауымдастық	Қазақстан: ҚВФ
	Эгльдегі World Cycling Centre орталығы
	Ресми сайты
Портал	Спорт

Халықаралық велосипедшілер одағы (фр. Union Cycliste Internationale, UCI) — халықаралық деңгейдегі велоспорт уақиғаларын бақылайтын велосипедтік қауымдастық.

Тарихы

Қауымдастық Бельгия, Франция, Италия, Швейцария және АҚШ ұлттық велоспорт федерацияларының өкілдерімен 1900 жылдың 14 сәуірінде Париж қаласында құрылған.

1965 жылы Халықаралық олимпиада комитетінің нұсқауымен кәсіпқой және әуесқой велошабандоздарды ажырату үшін екі бөлек федерация құрылды. Сол кезде Халықаралық әуесқой велоспорт федерациясының (Fédération Internationale Amateur de Cyclisme немесе FIAC) штаб-пәтері Люксембургте, ал Халықаралық кәсіпқой велоспорт федерациясының (Fédération Internationale de Cyclisme Professionnel немесе FICP) штаб-пәтері Рим қаласында орналасқан еді. UCI бұл екі федерациялардың арасында координациялық рөлін сақтады. 1992 жылы Шығыс блоктың ыдырағаныннан кейін екі федерация қайтадан UCI-ға қосылды.

Қазіргі кезде UCI штаб-пәтері Эгль (Швейцария) қаласындағы World Cycling Centre орталығында орналасқан.

Президенттері

Патрик МакКуэйд, UCI-дің қазіргі президенті.

Президенттер	Ел	Қызмет еткен жылдары
Эмиль де Бакалор	Бельгия	1900—1922
Леон Бретон	Франция	1922—1936
Макс Бурги	Швейцария	1936—1939
Албан Коллиньон	Бельгия	1939—1947
Ахилл Жуэнард	Франция	1947—1958
Адриана Родони	Италия	1958—1981
Луис Пуг	Испания	1981—1990
Хайн Вербрюгген	Нидерланд	1991—2006
Патрик МакКуэйд	Ирландия	2006 — қазіргі уақыт