Бельгия Ұлттық футбол құрамасы

	Бельгия
	Логотип
Лақап аты	Rode Duivels, Diables Rouges (Қызыл сайтандар)
Конфедерация	УЕФА
Федерация	Бельгия Футбол қауымдастығы
Бас бапкері	Роберто Мартинес
Капитаны	Эден Азар
Ең көп; ойын саны	Ян Вертонген (97)
Үздік; бомбардир	Ромелу Лукаку (31)
Үй стадионы	Бодуэн Король стадионы
ФИФА рейтингі	6 (18.07.2024)
ФИФА коды	BEL
Негізгі; форма	Қонақтық; форма
	Бельгия 3:3 Франция; (Брюссель, Бельгия; 1 мамыр, 1904 жыл)
	Бельгия 9:0 Замбия; (Брюссель, Бельгия; 4 маусым, 1994 жыл); Бельгия 10:1 Сан-Марино; (Брюссель, Бельгия; 28 ақпан, 2001 жыл); Бельгия 9:0 Гибралтар; (Льеж, Бельгия; 31 тамыз, 2017 жыл)
	Бельгия 1:9 Англия; (Брюссель, Бельгия; 11 мамыр, 1927 жыл); Нидерланд 8:0 Бельгия; (Амстердам, Нидерланд; 29 наурыз, 1936 жыл); Нидерланд 9:1 Бельгия; (Роттердам, Нидерланд; 4 қазан, 1959 жыл)
	Бұл үлгіні: көру • талқылау • өңдеу

Футболдан Бельгия ұлттық құрамасы — барлық халықаралық турнирлер мен матчтарды Бельгия мүддесін өкілдік ететін ұлттық құрама.

Тарихы

Бельгия Екінші дүниежүзілік соғысқа дейінгі үш әлем чемпионатына да қатысты, бірақ пәлендей жетістікке жете алмады. Оған дейін 1920 жылы Олимпиада чемпионы атанған. Соған қарамастан құрама әлем чемпионаттарындағы алғашқы жеңісін тек 1970 жылы Мексикада ғана тойлады. Турнир дебьютанты Сальвадорды ұтқанымен қалған екі қарсыласынан (КСРО мен Мексика) ұтылып, 1/4 финалға өте алмады. Екі жыл өткен соң Еуропа чемпионатының финалдық турниріне шыққан төрт құраманың бірі болды. Чемпионатқа алаң иелері ретінде қатысқан бельгиялықтар үшінші орын үшін болған ойында мажарларды ұтып, тырнақалды тұңғыш халықаралық жүлдесін иеленді. Арада сегіз жыл өткен соң Италиядағы Еуропа чемпионатында финалға шықты, бірақ ГФР футболшыларынан 1:2 есебімен ұтылып қалды.

Мұнан соң құрама әлем және Еуропа чемпионаттарында жүлде ала алмай келеді. 1986 жылғы әлем чемпионатында жартылай финалға дейін жетті. Үшінші орын үшін матчта Француздарға жол берді: 2:4. Арада төрт жыл өткен соң Италия-90 әлем біріншілігінде 1/8 финалда Англиямен кездесіп, 120 минут бойы аянбай айқасты. Ойынның бітуіне санаулы секунд қалғанда (119-минутта) гол жіберіп алды. Осы турнирден соң құраманың 70-80 жылдардағы табысына септігі тиген бапкер Ги Тис құрамамен қоштасты.

1994, 2002 жылдарғы әлем чемпионаттарында Бельгия 1/8 финалда сүрінді. Бұл екі аралықтағы Еуропа чемпионаты (2000 жылғы) Бельгия мен Нидерландыда өтті. Ол турнирде де Бельгия жарқырай алмады, топтық турнирден аса алған жоқ.

Араға бірталай уақыт салып құрама 2014 жылы әлем чемпионатына қатысып, ширек финалға дейін жетті, бұл жолы бұларға Аргентина тосқауыл болды: 0:1.

2016 жылғы Еуропа чемпионатында ширек финалда турнир дебьютанты Уэльстен ұтылды - 1:3.

2018 жылғы әлем чемпионатында құрамына Маруан Феллайни, Ромело Лукаку, Дрис Мертенс, Эден Азар, Томас Вермален, Тибо Куртуа секілді мықтыларды топтаған Бельгия жартылай финалға дейін жетті. Топтық турнирде Тунис, Анлия, Панама құрамаларымен бір топқа түсті де, үшеуінде де ұтты. 1/8 финалда 0:2 есебімен ұтылып тұрып, Жапонияға үш доп соқты - 3:2. Ширек финалда Бразилияны 2:1 есебімен ұтты. Жартылай финалда болашақ чемпион Францияға жол берді. Үшінші орын үшін матчта 2:0 есебімен Англияны ұтты.

Жетістіктері

Жазғы Олимпиада ойындарының чемпионы: 1920
Жазғы Олимпиада ойындарының қола жүлдегері: 1900
Еуропа чемпионатының финалисі: 1980
Еуропа чемпионатының қола жүлдегері: 1972
Әлем чемпионатында 3-орын: 2018
Әлем чемпионатында 4-орын: 1986

Құрамы

9 қыркүйек 2019

№	Ойыншы	Туған күні	Матч	Гол	Клуб
Қақпашылар
	Тибо Куртуа	11 мамыр 1992	76	0	Реал Мадрид
	Симон Миньоле	6 наурыз 1988	22	0	Брюгге
	Хендрик ван Кромбрюгге	30 сәуір 1993	0	0	Андерлехт
	Матц Селс	26 ақпан 1992	0	0	Страсбур
Қорғаушылар
	Ян Вертонген	24 сәуір 1987	116	9	Тоттенхэм Хотспур
	Тоби Алдервейрелд	2 наурыз 1989	94	4	Тоттенхэм Хотспур
	Томас Вермален	14 қараша 1985	75	2	Виссел Кобе
	Тома Мёнье	12 қыркүйек 1991	39	6	Пари Сен-Жермен
	Джейсон Денайер	28 маусым 1995	11	0	Олимпик Лион
	Брэндон Мехеле	28 қаңтар 1993	0	0	Брюгге
Жартылай қорғаушылар
	Кевин де Брёйне	28 маусым 1991	72	17	Манчестер Сити
	Насер Шадли	2 тамыз 1989	58	7	Андерлехт
	Янник Карраско	4 қыркүйек 1993	38	5	Далянь Ифан
	Юри Тилеманс	7 мамыр 1997	25	1	Лестер Сити
	Аднан Янузай	5 ақпан 1995	12	1	Реал Сосьедад
	Леандер Дендонкер	15 сәуір 1995	9	0	Вулверхэмптон Уондерерс
	Деннис Прат	14 мамыр 1994	4	0	Лестер Сити
	Ханс Ванакен	14 тамыз 1992	2	0	Брюгге
	Яри Верхаерен	12 шілде 2001	1	0	Андерлехт
Шабуылшылар
	Дрис Мертенс	6 мамыр 1987	87	18	Наполи
	Ромелу Лукаку	13 мамыр 1993	82	49	Интернационале
	Кристиан Бентеке	3 желтоқсан 1990	34	12	Кристал Пэлас
	Миши Батшуайи	2 қазан 1993	27	15	Челси
	Дивок Ориги	18 сәуір 1995	27	3	Ливерпуль
	Бенито Раман	7 қараша 1994	1	0	Шальке 04

Соңғы 20 жылдағы бапкерлері

20. 08. 1999 — 30. 06. 2002: Робер Васеж
21. 08. 2002 — 31. 12. 2005: Эме Антунис
1. 01. 2006 — 30. 09. 2009: Рене Вандерейкен
1. 10. 2009 — 15. 04. 2010: Дик Адвокат
4. 05. 2010 — 13. 05. 2012: Жорж Лекенс
3. 09. 2012 — 15. 07. 2016: Марк Вильмотс
3. 08. 2016 — Роберто Мартинес

Құрама ардагерлері

2017, 10 қазан күнгі

#	Футболшы	Карьера	Ойын	Гол
1	Ян Вертонген	2007—	97	8
2	Ян Кулеманс	1977—1991	96	23
3	Тимми Симонс	2001—	94	6
4–5	Эрик Геретс	1975—1991	86	2
4–5	Франки Ван дер Эльст	1984—1998	86	1
6	Энцо Шифо	1984—1998	84	18
7–8	Даниэль Ван Бюйтен	2001—2014	83	10
7–8	Аксель Витсель	2008—	83	9
9	Поль Ван Химст	1960—1974	81	30
10	Эден Азар	2008—	80	20

Дереккөздер

↑ FIFA/Coca-Cola World Ranking (ағыл.). ФИФА (18 January 2018). Тексерілді, 18 қаңтар 2018.

Сілтемелер

1904 жылдан бергі барлық матчтары Мұрағатталған 12 желтоқсанның 2013 жылы.

[1] FIFA/Coca-Cola World Ranking (ағыл.). ФИФА (18 January 2018). Тексерілді, 18 қаңтар 2018.

[1]