Yuganda

Ri̱pobi̱lik Yuganda Jamhuri ya Uganda (Swahili)
A̱keangtung	Ka̱mpala
Shi kyai	241,038 km²
Shi á̱niet	42,729,036 ab. (2018)

A̱bwom a̱byin: "Nwan Yuganda, A̱byin Shisham" (Oh Uganda, Land of Beauty)

A̱byin Yuganda (Lilyem Yuganda: Yuganda), á̱ lyen ma̱ng a̱lyoot a̱gwomna̱ti ka nang Ri̱pobi̱lik Yuganda (Swahili: Jamhuri ya Uganda) a̱ni, yet a̱byin kya nang bibyin ghyang keang di̱ tityak a̱ni mi̱ fam a̱byin A̱tyin Afrika. Ka̱ byia̱ a̱gi̱gak di̱ fam a̱tyin hu ma̱ng a̱byin Kenya, di̱ fam a̱za hu ma̱ng Sudan A̱tak, di̱ fam jenshyung hu ma̱ng Ri̱pobi̱lik Di̱mokrasi Konggo, di̱ fam a̱tak-jenshyung ma̱ng Ruwanda, a̱wot di̱ fam a̱tak hu ma̱ng Ta̱nzaniya. Fam a̱tak a̱byin ka si̱ byia̱ a̱gba̱ndang kap A̱gba̱ndang Jok Viktoriya wu, nang ka̱ ka̱u ma̱ng bibyin Kenya ma̱ng Ta̱nzaniya a̱ni. Yuganda shyia̱ di̱ fam a̱byin A̱ca̱cet Njok Afrika hu hwa. A̱byin Yuganda ka ka mmyiai di̱ Kham A̱ghyui Nayit ji ja a̱wot ka̱ si̱ byia̱ za̱kwa wun ji̱ vwuon neet a̱vwuo naat a̱vwuo a̱wot da̱ a̱ka̱nyiung, ji̱ yet tangka̱i za̱kwa wun a̱kwa̱toriya ghyang hwa. Ka̱ byia̱ shi á̱niet ku swak miliyon 42, nang miliyon 8.5 swan a̱keangtung ka ma̱ng a̱gba̱ndang a̱keang a̱ swak ma̱ng shi kyai a̱ni nang á̱ ngyei Ka̱mpala a̱ni.