Elizabeth 2
![](http://upload.wikimedia.org/wikipedia/commons/thumb/b/b6/Queen_Elizabeth_II_in_March_2015.jpg/220px-Queen_Elizabeth_II_in_March_2015.jpg)
Elisabeth 2 tʊ (Ɛŋglɩsɩ kʊnʊŋ taa lɛ, Elizabeth 2), palʊla-ɩ ɖomaɣ fenaɣ kɩyakʊ 21 pɩnaɣ 1926 Mayfair tɛtʊ taa (Londres), ɛkɛ abiɖe ɛgbam yaa wiyaʊ halɩñɩnʊ kɛ Kewiyaɣ kɩkpɛnaɣ ɛjaɖɛ taa kɛ Bretñɩ nɛ Irland nɛ hayɩ kiŋ ɛjaɖɛ, ɛkɛ ɖɔɖɔ Commonwealth of Nations ñʊʊ tʊ, pʊ-tɔbʊʊ ajɛyɛ mɛwɛ man-tɩ yɔɔ waa wena akpɛndɩ nɩɩnɩwa nɛ naalɛ yɔ.
![](http://upload.wikimedia.org/wikipedia/commons/thumb/2/23/Hrh_Princess_Elizabeth_in_the_Auxiliary_Territorial_Service%2C_April_1945_TR2832.jpg/220px-Hrh_Princess_Elizabeth_in_the_Auxiliary_Territorial_Service%2C_April_1945_TR2832.jpg)
Alɩwaatʊ ndʊ ɛ-caa George 6 kpaɣ kewiyitu yɔ pɩnaɣ 1936 pɩlɩna mbʊ ɛ-ɖalʊ Edouard 8 kiza kpelaɣ yɔ, lɛ Elisabeth pɩsɩ peyebina-m ñɩm pɩɣa Ɛŋglɩsɩ ɛjaɖɛ taa. Pɩkɔma kedeŋga kpeekpe you naalɛ ŋgʊ alɩwaatʊ lɛ, Elisabeth sʊʊ Auxiliary Territorial Service, pɩkɛ sɔɔjɛtʊ tʊmɩyɛ kɛnɛ. Pɩkɔɔ kamɩŋ fenaɣ kɩyakʊ 20 pɩnaɣ 1947 lɛ, ɛwalɩ Philip Mountbatten ɛlɛ ɛlʊlʊʊna pɩyaa naananza nzɩ yɔ Charles, Anne, Andrew nɛ Edward.
![](http://upload.wikimedia.org/wikipedia/commons/thumb/8/82/President_Ronald_Reagan_riding_horses_with_Queen_Elizabeth_II_during_visit_to_Windsor_Castle.jpg/220px-President_Ronald_Reagan_riding_horses_with_Queen_Elizabeth_II_during_visit_to_Windsor_Castle.jpg)
Elizabeth kpaɣ kewiyitu kpelaɣ Aŋglɩtɛɛrɩ ɛjaɖɛ taa lɛlaɣ fenaɣ kɩyakʊ 6 pɩnaɣ 1952, kɛlɛ ɛpɩsɩ lʊbɛ ajɛyɛ wena awɛ a-tɩ yɔɔ kɛ Commonwealth taa ana yɔ Afrika nɛ Hadɛ yɔɔ ɛjaɖɛ, Ositralii, Kanada, Ceylan, Seelandɩ Kɩfalʊʊ, Pakisitan nɛ Royaume-Uni. Kpaɣ pɩnzɩ 1956 nɛ 1992 hɛkʊ taa e-kewiyitu tɛtʊ naa lɛɛzɩ mbʊ pʊyɔɔ yɔ, ageeta naayɛ pɩsa awɛɛ a-tɩ yɔɔ nɛ halɩ lɛɛna pɩsɩ ajɛyɛ maɣmaɣ.
![](http://upload.wikimedia.org/wikipedia/commons/thumb/6/6e/George_W._Bush_toasts_Elizabeth_II_2007.jpg/220px-George_W._Bush_toasts_Elizabeth_II_2007.jpg)
Pʊsɔzɩna Ositralii, Kanada, Zelande Kɩfalʊʊ nɛ Kewiyaɣ Kɩkpɛndaɣ ɛjaɖɛ lɛ, Eliwabeth kewiyitu talɩ ajɛyɛ anɛ ɖɔɖɔ Jamaïki, Barbade, Bahamas ɛyaa tɛ, Grenade, Papouasie-Guinée Kɩfalʊʊ, Salomon lɩm hɛkʊ taa ajɛyɛ, Tuvalu, Lucie Kiɖeɖeu, Vincent Kiɖeɖeu nɛ Grenadine, Belize, Antigua nɛ Barbuda nɛ Kristofi Kiɖeɖeu nɛ Nivisi ajɛyɛ.