Babirussa
Babirussa (Babyrousa babyrussa) - shoshqalar shańaraǵına tiyisli sút emiziwshi haywan. Tuqımtlıqıń birden-bir túri. Basqa shoshqalardan basınıń kishi, qulaqlarınıń kelteligi, ayaqlarınıń jińishke hám uzın bolıwı, kelte quyrıǵınıń ushında papugdıń bolmawı, arqasınıń júdá iymekligi menen keskin ajralıp turadı. Babirussa Malayya arxipelagınıń Sulavesi jáne onıń átirapında jaylasqan atawlardaǵı batpaqlı toǵaylarda, suw háwizleri qasındaǵı qamıszarlıqta jalǵız -jalǵız yamasa kishi topar bolıp jasaydı. Babirussa jaqsı juzedi, azıq izlep, talay keń dáryalar, hátte teńiz qoltıqlarınan da júzip ótedi. Babirussanı jergilikli xalıq úy haywanı retinde baǵadı, tez qolǵa úyrenedi. 10 jıldan kóbirek jasaydı. toǵaylardıń kesiliwi, góshi, terisi hám qazıq tisi ushın kóplegen awlanıwı nátiyjesinde Babirussa sanı keskin azayıp ketken. Ol Xalıq aralıq tábiyaattı qorǵaw sovetiniń Qızıl kitapına kiritilgen.
Derekler
[redaktorlaw | derekti redaktorlaw]ÓzME, Birinshi tom, Tashkent, 2000-jıl
 | Bul maqalada Ózbekstan milliy enciklopediyası (2000-2005) maǵlıwmatlarınan paydalanılǵan. |