ჰემატომა

ჰემატომა
დარგი	family medicine
კლასიფიცირება და გარე წყაროები
ICD-10	M79.81
ICD-9	729.92
MeSH	D006406

ჰემატომა (ჰემატო... და ...ომა) — სისხლის განსაზღვრული რაოდენობის დაგროვება ქსოვილებში, წარმოიქმნება სისხლის დენის დროს, როდესაც სისხლი კი არ ჟღინთავს ქსოვილებს (კანქვეშა უჯრედისს, კუნთებს, ძვლისაზრდელას, თავის ტვინს, ღვიძლს, ელენთას), არამედ მათში ქმნის ღრუს. ძირითადი მიზეზებია ტრავმა, ავადმყოფურად შეცვლილი სისხლძარღვების გახევა, ამასთან მიზეზები შეიძლება გახდეს მალორი-ვეისის სინდრომი, სისხლის მიმოქცევის პროცესის დარღვევა. პატარა ჰემატომა უკვალოდ შეიწოვება, დიდი ჰემატომის გარშემო ვითარდება ანთებითი პროცესი და წარმოიქმნება მკვრივი კაფსულა. ჰემატომის ადგილი შესივებული, ჩალურჯებული და მტკივნეულია.

მკურნალობა

ჰემატომის ადგილზე დამწოლი ნახვევი, პირველ დღე-ღამეს სიცივე, შემდეგ – სითბო; ღვიძლისა და ელენთის ჰემატომის გახეთქვისას, აგრეთვე ჰემატომის დაჩირქებისას აუცილებელია ქირურგიული ჩარევა.

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 620.

რესურსები ინტერნეტში

• www.medgeo.net - ჰემატომა
• www.reitingi.ge - სილურჯეებისა და ჰემატომას სწრაფი მკურნალობის 7 უნიკალური მეთოდი