სადემარკაციო ხაზი
სადემარკაციო ხაზი – გეოპოლიტიკური საზღვარი, გამყოფი ხაზი განისაზღვრება ტერიტორიული ცვლილებების ან ტერიტორიული დავების შემდეგ, ზავის ან ცეცხლის შეწყვეტის შედეგად. დემარკაცია ხდება საერთაშორისო სამართლებრივი შეთანხმებების მიხედვით.
აფრიკა
[რედაქტირება | წყაროს რედაქტირება]- მაროკოს კედელი, რომელიც საზღვარია დასავლეთ საჰარის მაროკოს მთავრობის მიერ კონტროლირებად ნაწილსა და საჰარის არაბთა დემოკრატიული რესპუბლიკის შორის, რომელიც ნაწილობრივ აღიარებული სეპარატისტული რესპუბლიკაა.
ამერიკა
[რედაქტირება | წყაროს რედაქტირება]- სადემარკაციო ხაზი, რომელიც გავლებულია ატლანტის ოკეანეში მერიდიანის გასწვრივ, 1494 წლის ტორდესილასის ხელშეკრულების შედეგია. ეს ხაზი დაიხაზა მას შემდეგ, რაც ქრისტეფორე კოლუმბი დაბრუნდა თავისი პირველი მოგზაურობიდან ამერიკაში.
- მეისონ-დიქსონის ხაზი არის დემარკაციული ხაზი აშშ-ს ოთხ შტატს შორის და წარმოადგენს პენსილვანიის, მერილენდის, დელავერისა და დასავლეთ ვირჯინიის (მაშინ ვირჯინიის ნაწილი) შორის საზღვარს.
აზია
[რედაქტირება | წყაროს რედაქტირება]ახლო აღმოსავლეთი
[რედაქტირება | წყაროს რედაქტირება]- ცისფერი ხაზი არის საზღვარი ლიბანსა და ისრაელს შორის, რომელიც გამოქვეყნდა გაეროს მიერ 2001 წლის 7 ივნისს.
- მწვანე ხაზი არის ისრაელსა და მის მეზობლებს შორის (ეგვიპტე, იორდანია, ლიბანი და სირია) 1948 წლის ომის შედეგად წარმოქმნილი საზღვარი.
- იასამნისფერი ხაზი იყო ცეცხლის შეწყვეტის ხაზი ისრაელსა და სირიას შორის 1967 წლის ექვსდღიანი ომის შემდეგ.
- მწვანე ხაზი (ლიბანი) იყო სადემარკაციო ხაზი ბეირუთში, ლიბანის სამოქალაქო ომის დროს 1975-1990 წლებში. ის იყო ქალაქის მუსლიმური და ქრისტიანული უბნების შორის საზღვარი.
სამხრეთ და აღმოსავლეთ აზია
[რედაქტირება | წყაროს რედაქტირება]- მაკმაჰონის ხაზი ყოფს ჩინეთსა და ინდოეთს, დადგინდა სიმლას კონვენციის შედეგად.
- სამხედრო სადემარკაციო ხაზი არის საზღვარი ჩრდილოეთ კორეასა და სამხრეთ კორეას შორის. სამხედრო სადემარკაციო ხაზი დადგინდა ზავის შედეგად, როგორც საზღვარი ორ კორეას შორის კორეის ომის დასასრულის შემდეგ.
- ჩრდილოეთ ლიმიტის ხაზი არის სადავო საზღვაო სადემარკაციო ხაზი ყვითელ ზღვაში ჩრდილოეთ კორეასა და სამხრეთ კორეას შორის.
- 1962 წლის ჩინეთ-ინდოეთის ომის შედეგად, ინდოეთისა და ჩინეთის სახალხო რესპუბლიკის შორის ფაქტობრივი საზღვარი აქსაი ჩინსა და ლადაქის შორის გადის.
- ინდოეთის და პაკისტანის კონტროლის ხაზი ქაშმირის სადავო რეგიონზე.
- საზღვარი ჩინეთის სახალხო რესპუბლიკისა და ჩინეთის რესპუბლიკის (ტაივანი) შორის.
ევროპა
[რედაქტირება | წყაროს რედაქტირება]- კერზონის ხაზი იყო სადემარკაციო ხაზი, რომელიც წარმოადგინა ბრიტანეთის საგარეო საქმეთა მინისტრმა ლორდ კერზონმა 1920 წელს, როგორც შესაძლო საზღვარი პოლონეთსა და საბჭოთა რესპუბლიკების შორის. თანამედროვე პოლონეთ-ბელარუსის და პოლონეთ-უკრაინის საზღვრები ძირითადად კერზონის ხაზს მიჰყვება.
- ფოშის ხაზი იყო დროებითი სადემარკაციო ხაზი პოლონეთსა და ლიეტუვას შორის, რომელიც შემოთავაზებული იყო ანტანტის მიერ პირველი მსოფლიო ომის შემდეგ.
- სადემარკაციო ხაზი საფრანგეთში ნაცისტური ოკუპაციის დროს, გერმანიის მიერ ოკუპირებული ზონის და თავისუფალი ზონის შორის.
- ბოსნიური სასაზღვრო ხაზი არის ეთნო-ადმინისტრაციული საზღვარი, დადგენილია დეიტონის შეთანხმებით, რომელიც მოჰყვა ბოსნიის ომის დასრულებას.