სადახლო

სოფელი
სადახლო
წოფის ციხე და სადახლო
ქვეყანა	საქართველო
მხარე	ქვემო ქართლიქვემო ქართლის მხარე
მუნიციპალიტეტი	მარნეულის მუნიციპალიტეტი
თემი	სადახლო
კოორდინატები	41°14′20″ ჩ. გ. 44°47′16″ ა. გ.
პირველი ხსენება	1771
ცენტრის სიმაღლე	500 მ
ოფიციალური ენა	ქართული ენა
მოსახლეობა	7337 კაცი (2014)
ეროვნული შემადგენლობა	აზერბაიჯანელები 99,8 %
სასაათო სარტყელი	UTC+4
სატელეფონო კოდი	+995
საფოსტო ინდექსი	3000
სადახლო ვიკისაწყობში

სადახლო — სოფელი საქართველოში, მარნეულის მუნიციპალიტეტში, თემის ცენტრი (სოფლები: ხულდარა, მოლაოღლი, თაზაქენდი, ბურმა). მდებარეობს მდინარეების, დებედასა და ბანოშისწყლის შესართავთან, სომხეთის საზღვართან, ზღვის დონიდან 500 მ, მარნეულიდან 32 კმ. სოფელში ფუნქციონირებს საზოგადოებრივი ცენტრი. სოფლის ზემოთ, 3 კმ-ში სათავეს იღებს სადახლოს არხი.

ისტორია

საბჭოთა პერიოდში სადახლოს სასოფლო საბჭოში შედიოდა აგრეთვე სოფლები დამია, დამია-გიაურარხი, მამაი, ახლო ლალალო. მოქმედებდა მეთამბაქოეობის მეურნეობა.

წოფის ციხე

სოფლის დასავლეთით 7 კმ-ზე, მდ. ბანოშისწყლის (ძვ. ხოჟირნა) მარცხენა ნაპირზე მდებარეობს შუა საუკუნეების ციხესიმაგრე. ციხე ფუნქციონირებდა VI-XIII საუკუნეებში. სიმაგრე კლდოვან მთაზეა აგებული. შემორჩენილია ზედა ციხის ნანგრევები და გალავნის ფრაგმენტები. აქვეა საცხოვრებელი კომპლექსების ნაშთები და მცირე ეკლესიის ნანგრევები. წოფის ციხესთან ნასოფლარია. შემორჩენილია ორი დარბაზული ტიპის საყდარი, რომლებიც VI-VII საუკუნეებით თარიღდება. ციხეს ეროვნული მნიშვნელობის კულტურის ძეგლის სტატუსი აქვს.

მოსახლეობა

2014 წლის აღწერის მონაცემებით სოფელში ცხოვრობს 7337 ადამიანი.

აღწერის წელი	მოსახლეობა	კაცი	ქალი
2002	9486	4750	4736
2014	7337	3724	3613

ლიტერატურა

• ქართული საბჭოთა ენციკლოპედია, ტ. 8, თბ., 1984. — გვ. 620.