ელიზაბეტ ბენქსი
ამ სტატიას ან სექციას ვიკიფიცირება სჭირდება ქართული ვიკიპედიის ხარისხის სტანდარტების დასაკმაყოფილებლად. იმ შემთხვევაში, თუ არ იცით, თუ რა არის ვიკიფიცირება, იხ. დახმარების გვერდი. სასურველია ამის შესახებ აცნობოთ იმ მომხმარებლებსაც, რომელთაც მნიშვნელოვანი წვლილი მიუძღვით სტატიის შექმნაში. გამოიყენეთ: {{subst:ვიკიფიცირება/info|ელიზაბეტ ბენქსი}} |
![](http://upload.wikimedia.org/wikipedia/commons/thumb/b/be/Elizabeth_Banks_Sept_2014_%28cropped%29.jpg/220px-Elizabeth_Banks_Sept_2014_%28cropped%29.jpg)
ელიზაბეტ ბენქსი (ინგლ. Elizabeth Banks, დ. 10 თებერვალი, 1974 წელი) ― ამერიკელი მსახიობი, რეჟისორი, მწერალი და პროდიუსერი. იგი ცნობილია ფილმებით: The Hunger Games (2012–2015) და Pitch Perfect (2012–2017). ბენქსის სარეჟისორო კინოდებიუტი შედგა ფილმში - Pitch Perfect 2 (2015), რომლის შემოსავალი იყო 69 მილიონი დოლარი. ელიზაბეტმა ასევე მონაწილეობა მიიღო სამოქმედო კომედიურ ფილმში ჩარლის ანგელოზები (2019).
ადრეული წლები
[რედაქტირება | წყაროს რედაქტირება]ელიზაბეტ ბენქსი დაიბადა 1974 წლის 10 თებერვალს, მასაჩუსეტსის შტატში, პიტსფილდში. მისი მამა, მარკ მიტჩელი ვიეტნამის ვეტერანი იყო. მოგვიანებით მან მუშაობა დაიწყო General Electric - ში, როგორც ქარხნის მუშა. დედა, ენ მიტჩელი ბანკში მუშაობდა. ბენქსს ჰყავს უმცროსი ძმა ჯეფ მიტჩელი. ბავშვობაში ელიზაბეტი აქტიურად იყო დაკავებული სპორტით. ბენქსი ერთ ხანს ცხოვრობდა ნიუ-იორკში და ეკრანულ გამოცდილებას იძენდა გოთამის ტელეპროდუქციებში. მისი პირველი კინოს დებიუტი შედგა დრამაში - "Surrender Dorothy" (2000).
პირადი ცხოვრება
[რედაქტირება | წყაროს რედაქტირება]თერთმეტწლიანი შეყვარებულობის შემდეგ, ბენქსმა 2003 წელს იქორწინა მაქს ჰენდელმანზე, სპორტის მწერალზე და პროდიუსერზე. მათ ჰყავთ ორი ვაჟი, ფელიქსი, რომელიც დაიბადა 2011 წლის მარტში და მაგნუსი, რომელიც დაიბადა 2012 წლის ნოემბერში. ორივე სუროგატი დედის მეშვეობით დაიბადნენ.
კარიერა
[რედაქტირება | წყაროს რედაქტირება]![](http://upload.wikimedia.org/wikipedia/commons/thumb/4/48/Elizabeth_Banks_%2843720636461%29.jpg/273px-Elizabeth_Banks_%2843720636461%29.jpg)
ელიზაბეტ ბენქსი გახდა ჰოლივუდის ერთ-ერთი ყველაზე მოთხოვნადი მსახიობი. იგი მონაწილეობდა საერთაშორისო ჰიტებში: "The Hunger Games", "What to Expect When You’re Expecting", "Man on a Ledge", "People Like Us".
შემდეგ ის იხილეს ფილმში "Mockingjay Part 2", რომელიც ფილმის - "The Hunger Games" - ს გაგრძელებაა. ფილმი გამოვიდა 2015 წლის 20 ნოემბერს. ელიზაბეტმა ასევე მიიღო ხმოვანი როლი ფილმებში - "The Lego Movie" (2014), "Moonbeam City" (2015).
2015 წლის მაისში, ის Universal Pictures- ის ფილმში "Pitch Perfect 2" - ში მონაწილეობდა. 2017 წლის ივლისში - "Pitch Perfect 3".
2010 წელს მან ასევე ითამაშა რასელ კროუსთან ერთად ფილმში "The Next Three Days". 2008 წელს ბენქსი მონაწილეობდა ქევინ სმიტის ფილმში "Zack and Miri Make Porno". ფილმში, ბენქსმა (Miri) და ზაკმა (Seth) გადაწყვიტეს პორნოგრაფიული ფილმის გადაღებით ფულის შოვნა და ფინანსებთან დაკავშირებული პრობლემების მოაგვარება. გადაღების პროცესში კი გააცნობიერებენ, რომ მათ ერთმანეთისადმი უფრო დიდი გრძნობა აქვთ, ვიდრე თავიდან ეგონათ.
2007 წელს იგი გამოჩნდა CBS ის მინი სერიალებში: "Comanche Moon", "Lonesome Dove". 2009 წელს ელიზაბეტმა შეასრულა სალის როლი ABC - ის სერიალში - "Modern Family". მან 2011 წელს ემის ჯილდო მოიპოვა ფილმ "Seabiscuit" - ში შესრულებული როლისათვის.
ბენქსმა თავისი კომპანიის Brownstone Productions- ის საშუალებით წარმოადგინა დისნეის 2009 წლის სამეცნიერო-ფანტასტიკური თრილერი "The Surrogates", ბრიუს უილისის მონაწილეობით.
ელიზაბეტი ასევე მონაწილეობდა ფილმებში: "Our Idiot Brother" (2011), "Man on a Ledge" (2012), "What to Expect When You're Expecting" (2012), "People Like Us" (2012), Pitch Perfect (2012). მან 2012 წელს მიიღო ნანატრი როლი ფილმში - "The Hunger Games" (2012) და "The Hunger Games 2" (2013).
რესურსები ინტერნეტში
[რედაქტირება | წყაროს რედაქტირება]https://elizabethbanks.com/about
https://woodgram.com/elizabeth-banks-biography/#Family
https://www.biography.com/actor/elizabeth-banks
https://www.imdb.com/name/nm0006969/bio?ref_=nm_ov_bio_sm
- ამერიკელი მსახიობები
- XX საუკუნის ამერიკელი ქალი მსახიობები
- დაბადებული 10 თებერვალი
- დაბადებული 1974
- ამერიკელი რეჟისორები
- ამერიკელი მწერლები
- ამერიკელი პროდიუსერები
- XXI საუკუნის ამერიკელი ქალი მსახიობები
- ამერიკელი ქალი კინომსახიობები
- ამერიკელი ტელემსახიობი ქალები
- ამერიკელი ქალი კინორეჟისორები
- ამერიკელი ქალი კინოპროდიუსერები