დრანეთის წმინდა კვირიკესა და ივლიტას ტაძარი

დრანეთის წმინდა კვირიკესა და ივლიტას ტაძარი — მდებარეობს საქართველოში, ქვემო ქართლის მხარეში, თეთრიწყაროს მუნიციპალიტეტში, მისგან დასავლეთით 9 კმ-ში მდებარე სოფელ ალექსეევკას სამხრეთ-დასავლეთით 1 კმ-ში მდებარე ნასოფლარ დრანეთში (დრიანეთში), ტორნეს ხევის მარჯვენა ნაპირზე.

ეკლესიის სახელობა დაკარგული იყო და სამეცნიერო ლიტერატურაში ის იწოდებოდა, როგორც დრანეთის, ან ალექსეევკა-დრანეთის ეკლესია. არქეოლოგიურ სამუშაოებისას გაირკვა, რომ ტაძარი წმინდა კვირიკესა და ივლიტას სახელობაზეა აგებული.

2006 წლის 7 ნოემბერს, საქართველოს პრეზიდენტის ბრძანებულების თანახმად მიენიჭა ეროვნული მნიშვნელობის კულტურის უძრავი ძეგლის კატეგორია^[1].

2010 წელს ეკლესიას ჩაუტარდა არქეოლოგიური და სარესტავრაციო-საპროექტო სამუშაოები (ხელმძღვანელი: ნინო ნოზაძე).

2010 წლის ზაფხულში ეკლესიაში XIII საუკუნის ვერცხლის ორნამენტებიანი კანდელი აღმოაჩინეს^[2]^[3].

ლიტერატურა

გ. ლაღიაშვილი, გ. პატაშური, ჟურნალი „ძველი ხელოვნება დღეს“, 1, 2010 წ.

რესურსები ინტერნეტში

ალექსეევკა-დრანეთის ეკლესია, (წმინდა კვირიკესა და ივლიტას სახელობის ტაძარი) (X-XI სს) დაარქივებული 2012-01-20 საიტზე Wayback Machine.

სქოლიო

[1] საქართველოს პრეზიდენტის ბრძანებულება № 665, 2006 წლის 7 ნოემბერი, ქ. თბილისი, კულტურის ზოგიერთი უძრავი ძეგლისათვის ეროვნული მნიშვნელობის კატეგორიის მინიჭების შესახებ. დაარქივებულია ორიგინალიდან — 2019-07-01. ციტირების თარიღი: 2020-02-02.

[2] სოფელ ალექსეევკაში XIII საუკუნის კანდელია აღმოჩენილი

[3] ალექსეევკა-დრიანეთის ეკლესიაში მეცამეტე საუკუნის კანდელი აღმოაჩინეს^{[მკვდარი ბმული]}

[1]

[2]

[3]