ალექსის სანჩესი

ალექსის სანჩესი

პირადი მონაცემები
სრული სახელი	ალექსის ალეხანდრო სანჩეს სანჩესი
დაბადების თარიღი	19 დეკემბერი, 1988 (1988-12-19)
დაბადების ადგილი	სანტიაგო, ჩილე
სიმაღლე	169 სმ
სათამაშო პოზიცია	გარემარბი
საკლუბო ინფორმაცია
მიმდინარე კლუბი	ინტერი
ნომერი	70
ახალგაზრდული კარიერა
2004–2005	კობრელოა
პროფესიონალური კარიერა*
წლები	გუნდი	მატჩი	(გოლი)
2005–2006	კობრელოა	47	(12)
2006–2011	უდინეზე	95	(20)
2006–2007	→  კოლო-კოლო	32	(5)
2007–2008	→  რივერ პლეიტი	23	(4)
2011–2014	ბარსელონა	88	(39)
2014–2018	არსენალი	122	(60)
2018–2019	მან. იუნაიტედი	32	(3)
2019–2020	→  ინტერი	22	(4)
2020–2022	ინტერი	57	(12)
2022–2023	მარსელი	35	(14)
2023–	ინტერი	13	(0)
ეროვნული ნაკრები‡
2007	ჩილე 20	12	(2)
2006-	ჩილე	160	(51)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 28 თებერვალი, 2024 ‡ ეროვნული ნაკრების მატჩი და გოლი ბოლოს განახლდა: 22 ნოემბერი, 2023

ალექსის ალეხანდრო სანჩეს სანჩესი (ესპ. Alexis Alejandro Sánchez Sánchez; დ. 19 დეკემბერი 1988, სანტიაგო) — ჩილელი ფეხბურთელი. საფეხბურთო კლუბ „ინტერისა“ და ჩილეს ეროვნული ნაკრების თავდამსხმელი.

ადრეული წლები

სანჩესი დაიბადა ჩილეს ქალაქ ტოკოპილაში, მეთევზის ოჯახში. მან კარიერა დაიწყო 15 წლის ასაკში, ადგილობრივი კლუბ „კობრელოაში“. ალექსისი სწორედ ამ კლუბში აღიზარდა. მისი დებიუტი ადრეულ ასაკში შედგა და უკვე 18 წლის ასაკში იგი გახდა ძირითადი შემადგენლობის ფეხბურთელი და ითვლებოდა სამხრეთ ამერიკის ერთ-ერთ ყველაზე ნიჭიერ ფეხბურთელად.

საკლუბო კარიერა

უდინეზე

2006 წელს იგი იყიდა იტალიის სერია A-ს კლუბმა „უდინეზემ“ $3 მილიონად, რომელმაც იგი მშობლიურ „კოლო-კოლოში“ არენდით გაანათხოვრა. მან თითქმის 50 შეხვედრა ჩაატარა და 9 გოლი გაიტანა. შემდეგ სეზონში იგი გადავიდა არგენტინულ კლუბ „რივერ პლეიტში“. 2008 წელს კი იგი კვლავ დაბრუნდა „უდინეზეში“ და იტალიური კლუბის ერთ-ერთი ლიდერიც გახდა. 2008 წლის ზაფხულში საუბარი იყო სანჩესის გადასვლაზე „მანჩესტერ იუნაიტედში“, სადაც მას უნდა შეეცვალა კრიშტიანუ რონალდუ თუმცა ეს ტრანსფერი არ განხორციელდა.

ბარსელონა

2011 წლის 21 ივლისს ალექსის სანჩესი იყიდა კატალონიურმა კლუბმა „ბარსელონამ“. ახალ კლუბში იგი მოედანზე გამოჩნდა 9 ნომრიანი მაისურით. მისი დებიუტი „ბარსელონაში“ შედგა 14 აგვისტოს, ესპანეთის სუპერთასზე, სადაც ერთმანეთს დაუპირისპირდნენ კატალონიის „ბარსელონა“ და სამეფო კლუბი „რეალ მადრიდი“. 2011 წლის 29 აგვისტოს, ესპანეთის ჩემპიონატის მეორე ტურის მატჩში 46 წუთზე მან გაიტანა მისი პირველი გოლი „ვილიარეალის“ კარში „ბარსელონას“ მაისურით. 2011 წლის 1 ნოემბერს კი მისი დებიუტი ჩემპიონთა ლიგაზე შედგა, „ვიქტორია პლზენის“ წინააღმდეგ, სადაც იგი შეცვლაზე შემოვიდა ერიკ აბიდალის ნაცვლად. 12 თებერვალს კი მან გაიტანა მისი პირველი და მეორე გოლი ჩემპიონთა ლიგაზე „„ლევერკუზენის“ წინააღმდეგ.

არსენალი

2014 წლის 10 ივლისს, ოფიციალურად დადასტურდა სანჩესის ლონდონის „არსენალში“ გადასვლა. ლონდონურ კლუბს ჩილელის ტრანსფერი დაახლოებით 30 მილიონი გირვანქა სტერლინგი დაუჯდა. მან 17-ნომრიანი მაისური მიიღო.„მეთოფეების“ შემადგენლობაში სანჩესმა იდებიუტა ინგლისის პრემიერლიგის გახსნითი ტურის საშინაო მატჩში „კრისტალ პალასის“ წინააღმდეგ (2-1).ლონდონის „არსენალის“ მაისურით პირველი გოლი სანჩესმა ჩემპიონთა ლიგის საკვალიფიკაციო ეტაპის პლეი-ოფფში საშინაო მაჩში თურქულ „ბეშიქტაშს“ გაუტანა,რომელიც გამარჯვების გამოდგა (1-0). 2014\2015 წლების სეზონი ალექსის სანჩესისთვის ძალიან წარმატებული გამოდგა.სანჩესი შევიდა პროფესიონალ ფეხბურთელთა ასოციაციის (PFA) სეზონის გუნდში.

მანჩესტერ იუნაიტედი

2018 წლის 22 იანვარს დადასტურდა სანჩესის ტრანსფერი „მანჩესტერ იუნაიტედში“. იგი გახდა პირველი ჩილელი ფეხბურთელი კლუბის ისტორიაში. „წითელი ეშმაკების“ მთავარმა მწვრთნელმა, ჟოზე მოურინიომ განაცხადა: „სანჩესი ერთ-ერთი საუკეთესო შემტევია. უდავოა, რომ იგი სრულყოფილს გახდის და სტიმულს შემატებს ჩვენ კოლექტივს. დარწმუნებული ვარ, რომ გულშემატკივრები იმაყებენ ამ ტრანსფერით.“

სანაკრებო კარიერა

ჩილეს ეროვნულ ნაკრებში მისი დებიუტი შედგა 2006 წლის 24 მაისს ამხანაგურ მატში ირლანდიის ეროვნულ ნაკრებთან (1-0). მაშინ სანჩესი მხოლოდ 17 წლის იყო. 2007 წელს ჩილეს ახალგაზრდულ ნაკრებში მან მონაწილეობა მიიღო სამხრეთ ამერიკის ჩემპიონატში და მსოფლიო ჩემპიონატზე ახალგაზრდულ ნაკრებთა შორის. 2010 და 2014 წლებში იგი გამოიძახეს ჩილეს ეროვნულ საფეხბურთო ნაკრებში მსოფლიო ჩემპიონატებისთვის, ხოლო 2011 წელს ითამაშა სამხრეთ ამერიკის ჩემპიონატში.

სტატისტიკა

კლუბი	სეზონი	ლიგა			თასი			კონტინენტური			სხვა			სულ
		მატჩი	გოლი	პასი	მატჩი	გოლი	პასი	მატჩი	გოლი	პასი	მატჩი	გოლი	პასი	მატჩი	გოლი	პასი
კობრელოა	2005	35	3	–	–			3	0	-	–			38	3	–
	2006	12	9	–	–			–			–			12	9	–
	Total	47	12	–	–			3	0	–	–			50	12	–
კოლო-კოლო	2006	18	4	–	–			9	1	–	–			27	5	–
	2007	14	1	–	–			7	3	–	–			21	4	–
	Total	32	5	–	–			16	4	–	–			48	9	–
რივერ პლეიტი	2007-08	23	4	–	–			8	0	–	–			31	4	–
	Total	23	4	–	–			8	0	–	–			31	4	–
უდინეზე	2008–09	32	3	2	2	0	0	9	0	0	–			43	3	2
	2009–10	32	5	3	4	1	0	–			–			36	6	3
	2010–11	31	12	6	2	0	0	–			–			33	12	6
	Total	95	20	11	8	1	0	9	0	0	–			112	21	11
ბარსელონა	2011–12	25	12	5	7	1	0	6	2	0	3	0	0	41	15	5
	2012–13	0	0	0	0	0	0	0	0	0	0	0	0	0	0	0
	სულ	25	12	5	7	1	0	6	2	0	3	0	0	41	15	5
სულ კარიერაში		222	53	16	15	2	0	42	6	0	3	0	0	282	61	16

რესურსები ინტერნეტში

ვიკისაწყობში არის გვერდი თემაზე:

ალექსის სანჩესი

• ალექსის სანჩესი დაარქივებული 2019-05-13 საიტზე Wayback Machine. — ფიფას ჩანაწერი
• FC Barcelona profile
• La Liga profile
• Transfermarkt profile
• 2010 FIFA World Cup profile დაარქივებული 2013-11-13 საიტზე Wayback Machine.