შაბთაი ცური
შაბთაი ცური (ებრ. שבתאי צור, დაბადების სახელი: შოთა ცოციაშვილი; დ. 15 თებერვალი, 1951, ვანი) — ქართველი ებრაელი პოლიტიკოსი, დიპლომატი, საქართველოს ებრაელთა მსოფლიო კონგრესის თანათავმჯდომარე.
შოთა ცოციაშვილი 1951 წელს დაიბადა ვანში, 1967 წელს დაამთავრა ვანის მეორე საშუალო სკოლა და სწავლა სანქტ-პეტერბურგის უნივერსიტეტში განაგრძო, რომელიც 1974 წელს დაამთავრა.
უნივერსიტესის დასრულების შემდეგ ცოციაშვილი მეუღლესთან, ლეასთან ერთად საცხოვრებლად ისრაელში გადავიდა და აშკელონში დასახლდა. 1979 წლიდან მუშაობა დაიწყო ისრაელის ეროვნული ბანკში, ამავე დროს დაიწყო მოღვაწეობა ადგილობრივ პოლიტიკურ მოძრაობაში, რომელიც ქალაქის მმართველ ძალას წარმოადგენდა. აქ ის მაშინდელ ქალაქის მერს — ელი დაიენის და ბენი ვაკნინს დაუახლოვდა. მოგვიანებით გაწევრიანდა ლიკუდის პარტიის ადგილობრივ ორგანიზაციაში.
![](http://upload.wikimedia.org/wikipedia/commons/thumb/9/9d/Sign_of_Shabtai_Tsur_street_in_Vani.jpg/200px-Sign_of_Shabtai_Tsur_street_in_Vani.jpg)
1989 წლიდან ელი დაიენი ქნესეთის წევრი გახდა ავოდას პარტიის რიგებიდან, რომელიც ლიკუდის უმთავრესი კონკურენტი იყო სახელმწიფო არჩევნებში, ქალაქის მერი ბენი ვაკნინი გახდა და ამ პოზიციას ის 2003 წლამდე იკავებდა, ამ პერიოდის განმავლობაში შაბთაი ცური ქალაქის ვიცე მერი იყო, 2003 წელს კი ქალაქის მერის პოზიცია დიკავა, თუმცა პოზიციის დატოვება მალე მოუხდა, რადგან ქალაქის მმართველობის არჩევნებში 26 წლის შემდეგ პირველად სხვა ადგილობრივმა მოძრაობამ გაიმარჯვა.
შაბთაი ცური წლების განმავლობაში იყო საქართველოს საპატიო კონსული ისრაელში.[1] როგორც ლიკუდის პარტიის აქტიური წევრი ახლო ურთიერთობაში იმყოფებოდა პარტიის ერთ-ერთ წამყვან ლიდერთან და 2001-2006 წლებში ქვეყნის პირველ პირთან — არიელ შარონთან. 2005 წლის იანვრიდან 2008 წლის აგვისტომდე იყო ისრაელის საგანგებო და სრულუფლებიანი ელჩი საქართველოში, პარალელურად ის ხელმძღვანელობდა ისრაელის საკონსულოსაც ერევანში.[2]
არის ქალაქ ვანის საპატიო მოქალაქე. 2014 წლის 4 ნოემბერს, საქართველო-ისრაელის 26 საუკუნოვანი მეგობრობის ფარგლებში ქალაქ ვანის სანაპიროს ქუჩას, სადაც დაიბადა და გაიზარდა შაბთაი ცური, სიცოცხლეშივე მიენიჭა მისი სახელი.[3][4]
სქოლიო
რედაქტირება- ↑ შაბთაი ცური – ისრაელის ელჩი საქართველოში georgianjews.org[მკვდარი ბმული]
- ↑ ქართული დიასპორა ისრაელში diaspora.gov.ge. დაარქივებულია ორიგინალიდან — 2014-12-21. ციტირების თარიღი: 2015-10-22.
- ↑ ქუთაისის მერიაში ებრაულ დელეგაციას უმასპინძლეს. PSnews.ge
- ↑ ვანში სანაპიროს ქუჩას შაბთაი ცურის სახელი მიენიჭა. Facebook.com