გეოგრაფი
გეოგრაფი — გეოგრაფიის სპეციალისტი. სხვაგვარად, მეცნიერი, რომელიც დაკავებულია საერთოდ, გეოგრაფიული სივრცის, დედამიწის ბუნებრივი გარემოს და საზოგადოების ტერიტორიული ორგანიზაციის შესწავლით. გეოგრაფია, როგორც უძველესი და დიფერენცირებული მეცნიერება იყოფა 2 დიდ ნაწილად: ფიზიკურ და საზოგადოებრივ გეოგრაფიად. ფიზიკური გეოგრაფია, გეოგრაფიულ მეცნიერებათა სისტემაა, ამ სფეროს სპეცილისტის (გეოგრაფის) ამოცანაა დედამიწის გეოგრაფიული გარსის, მასში მიმდინარე მთელი რიგი საკითხების შესწავლა და ა.შ. საზოგადოებრივი გეოგრაფიის სპეციალისტები დაკავებული არიან საზოგადოების ტერიტორიული ორგანიზაციის შესწავლით, მისი კანონებისა და კანონზომიერებების გარკვევით. ამასთანავე ფიზიკური და საზოგადოებრივი გეოგრაფია ერთმანეთთან დაკავშირებული დარგებია.
ისტორიული თვალსაზრისით, გეოგრაფად ცნობილი იყვნენ ადამიანები, რომლებიც მუშაობდნენ რუკების შექმნაზე. გეოგრაფები შეისწავლიან არა მხოლოდ ბუნებრივი გარემოს ელემენტებსა და საზოგადოების ორგანიზაციას, არამედ, ამ ორი დარგის ურთიერთკავშირსაც; მაგალითად, ბუნებრივ გარემოზე ადამიანის ზემოქმედების პრობლემები, და პირიქით. გეოინფორმაციული სისტემის სპეციალისტები ხშირად მუშაობენ, ადგილობრივ, სახელმწიფო და ფედერალურ სახელმწიფო დაწესებულებებში და აგრეთვე კერძო სექტორებსა და საინჟინრო ფირმებში. არსებობს ნიდერლანდელი ფერმწერის იან ვერმეერის ცნობილი ნამუშევარი სახელწოდებით „გეოგრაფი“.
შესწავლის სფეროები
რედაქტირებაგამოიყოფა გეოგრაფიული კვლევის 2 ძირითადი მიმართულება; თავის მხრივ, ისინი იყოფა ცალკეულ დარგებად:
- ფიზიკური გეოგრაფია: აერთიანებს: გეომორფოლოგიას, ჰიდროლოგიას, გლაციოლოგიას, ბიოგეოგრაფიას, კლიმატოლოგიას, მეტეოროლოგიას, ნიადაგთმცოდნეობას, ოკეანოლოგიას.
- საზოგადოებრივი გეოგრაფია: აერთიანებს: ურბანულ გეოგრაფიას, კულტურულ გეოგრაფიას, ეკონომიკურ გეოგრაფის, პოლიტიკურ გეოგრაფის, ისტორიულ გეოგრაფიას, გეომარკეტინგსა და სამედიცინო გეოგრაფიას.
იხილეთ აგრეთვე
რედაქტირებარესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „გეოგრაფი“ ვიკისაწყობში.- გეოგრაფთა ასოციაცია (ესპანური)
- Was Geographen wirklich tun (გერმანული)
