Suku Doria

Suku Doria (Grikenlan: Δωριεῖς, Dōrieis, tunggal Δωριεύς, Dōrieus) inggih punika satunggal saking sekawan bebrayan utami ingkang dados leluhur ing bangsa Yunani kuna.^[1] Wonten ing mitologi Yunani, leluhur saking Suku Doria inggih punika Doros, putra saking Hellen.

Nama Doria punika kaginakaken déning Homeros wonten ing karyanipun, Odisseia,^[2] ugi dipunsebataken bilih suku mau mapan wonten ing Pulo Kreta. Déné Herodotos nyebat suku Doria punika kanthi nama ethnos^[3] ingkang dados wiwitaning tembung ètnis. Suku Doria punika tiyang ingkang kalebet wonten ing bebrayan Hellenes. Suku Doria gadhah manéka cara gesang lan organisasi sosial. Pagesangan Suku Doria gadhah variasi wiwit saking pusat perdagangan ingkang wonten ing kutha Korinthos, ingkang kawéntar saking seni lan arsitekturipun dumugi nagara militèr ingkang katutup kados Lakedaimon utawi Sparta.

Suku Doria lajeng dipunpérang-pérang malih dados kelompok ètnis ingkang kapisah lan kadang kala sami mungsuhan. Padatanipun nama kelompok ètnisipun asalipun saking papan suku wau. Wonten ing perang, satunggaling nagara Doria asring nyuwun pambiyantu dhateng nagara Doria sanèsipun. Suku Doria punika ngginakaken dhialèk piyambak ingkang dipunwastani dhialèk Yunani Doria. Kajawi punika ciri sosial lan tradisi sajarah Suku Doria ugi béda saking suku Yunani sanèsipun. Nalika abad kaping 5 SM, Suku Doria lan Suku Ionia punika kalebet kalih kelompok ètnis ingkang paling gadhah prabawa. Masalah antawisipun suku kalih punika ndadosaken Perang Peloponnesos.

Wonten kathah versi ingkang ngandharaken babagan asal-usul Suku Doria. Setunggal téyori ingkag dipunpitadosi nalika masa kuna nanging déréng naté kabukti inggih punika bilih Suku Doria mau asalipun saking tlatah paredèn ing timur laut Yunani, Makedonia kuna, lan Epiros. Lajeng nglampahi dhateng Peloponnesos, tumuju Pulo-pulo Aigea tartamtu, Yunani Besar, Lapithos lan Kreta. Téyori babagan Suku Doria sanèsipun ngandharaken bilih Suku Doria punika saking Asia Alit lajeng migrasi kanthi liwat Yunani timur laut sarta mapan wonten ing Yunani kidul utawi migrasi saking pasisir kilèn Asia Alit lan pindhah dhateng pulo-pulo Aigea sarta tumuju Yunani kidul.

Cathetan suku

↑ Apollodoros, Bibliotheka I
↑ Homeros, Odysseia, Buku XIX baris 177.
↑ Herodotos, Buku VII, pérangan 73.

Pranala njawi

The Dorians Archived 2003-06-04 at the Wayback Machine., University of Minnesota Ancient Greek Civilizations site
Myres, John Linton (1910-19-11). "Dorians". The Encyclopedia Britannica: a Dictionary of Arts, Sciences, Literature and General Information. Vol. 8 (édhisi ka-11). Cambridge, England and New York (printed): Cambridge University Press, Online Encyclopedia. kc. Pages 425–428. Dibukak ing 2008-01-04. {{cite encyclopedia}}: Check date values in: |date= (pitulung) Note that the online edition omits the critical bibliography, which features works only in German, and includes Müller but not Kretschmer. Also the online version runs paragraphs and section headings together. The paragraph division is not the one of the article.
S.W.J. Lamberts, The ethnicity of the sea peoples Archived 2008-04-11 at the Wayback Machine.
George Hinge, Scythian and Spartan Analogies in Herodotos’ Representation
"Makedonia". Pan-Macedonian Network. Pan-Macedonian Association. Dibukak ing 2007-12-29.

[1] Apollodoros, Bibliotheka I

[2] Homeros, Odysseia, Buku XIX baris 177.

[3] Herodotos, Buku VII, pérangan 73.

[1]

[2]

[3]