Sajarah musik

Musik wis tinemu ing saben budaya kang wis dikenal, biyèn lan saiki, warna-warna jinisé ing wektu lan panggonan. Amarga kabèh wong ing donya, éwoning kang paling kapencil wis duwèni jinis musik, bisa diarani yèn musik iku uwis ana wiwit leluhur sadurungé nganti sebaran manungsa saindenging donya. Kawusanané, musik saora-orané wis 55,000 taun ana ing donya lan musik pisanan antarané ditemokaké ing Afrika lan banjur ngalami évolusi dadi unsur dhasar ing uriping manungsa.

Musik siji budaya iku kadayan saka kabèh tetimbangan ana ing budaya kasebat, kalebu organisasi lan pangalaman sosial lan ékonominé, iklimé, lan aksès marang tèknologiné. Émosi lan cipta kang diwedharaké ing musik, kaanan kang dimainaké lan dirungu musik, lan laku marang juru main musik lan panganggit musik iku bisa béda-béda ing papan lan pèriodhe. Sajarah musik iku kalebu sub babagan musikologi lan sajarah kang nyinaoni musik mligi musik kagunan cara Kulonan ing pamanggih (perspective) kronologis.