Reykjavík

Reykjavík
Reykjavíkurborg^[1]
Reykjavík; Reykjavíkurborg
	Reykjavik
; Gendéra	; Lambang
Nagara	Èslan
Constituency	Reykjavík North; Reykjavík South
Pamaréntahan
• Mayor (Borgarstjóri)	Jón Gnarr
Laladan
• City	274,5 km2 (106 sq mi)
• Métro	777 km2 (300 sq mi)
Cacah warga (2011)
• City	119,108
• Pepadhet	436,5/km2 (11,310/sq mi)
• Métro	202,341
• Pepadhet métro	259,4/km2 (6,720/sq mi)
Zona wektu	GMT (UTC+0)
Situs wèb	http://www.rvk.is/
	Postal Codes: 101-155

Reykjavík iku kutha krajané Èslan lan kutha sing gedhé dhéwé ing nagara iki. Mawa latitude 64°08' bujur lor, kutha iki minangka kutha krajan nasional sing papané paling lor. Ing Èslan dhéwé, lokasiné ana ing tlatah kidul-kulon ing pasisir kulon Lempongan Faxaflói. Kutha iki nduwé padunung sing gunggungé kira-kira 117.000 lan minangka puser ékonomi lan papréntahan. Konon Reykjavík iku pamukiman permanèn kapisan ing Èslan sing didegaké. Miturut sajarah, Ingólfur Arnarson iku sing ngyasa pamukiman iki ing sakiwa-tengené taun 870. Nganti abad kaping 18, durung ana pembangunan urban ing kutha iki. Tlatah iki olèh hak-hak kutha ing taun 1786 lan kuthané tuwuh dadi puser regional lan nasional. Saiki Reykjavík iku puser saka Laladan Reykjavík Raya mawa populasi luwih saka 190.000 jiwa.

Sajarah

Miturut sajarah, pamukiman Reykjavík didegaké déning wong-wong Nordik saka Skandinavia. Kutha iki konon diyasa déning Ingólfur Arnarson sakiwa-tengené taun 870 Masehi; kaya tinulis ing Landnámabók utawa "Kitab Pamukiman". Miturut carita, nalika isih ing baita, Ingólfur Arnarson weruh tanah pasisir, banjur njeguraké rong cagak kayu singgasana sing diarani Öndvegissúlur ing sagara. Ing ngendi cagak iku kéli tekan pasisir, ing kono didegaké dhukuh. Ing sakiwa-tengené tlatah iki akèh kukus bumi sing sajatiné kukus géotèrmal. Mula dhukuh iki diarani Reykjavík sing tegesé "Lempongan Kukus" ing basa Islan.

Ing taun 1786 Reykjavík olèh hak-hak kutha lan ing taun 1944, nalika satengahing Perang Donya II dadi kutha krajan nagara mardika Èslan. Èslan sadurungé jajahan Dhènemarken.

Ing taun 1972, Reykjavík dadi papan Pertandingan Catur Internasional antara Bobby Fischer lan Boris Spassky. Banjur ing taun 1986 dadi papan KTT antara Amérikah Sarékat lan Uni Sovyèt sing diwakili déning Ronald Reagan lan Mikhail Gorbachev.

Iklim

Kutha iki saiki sawijining kutha modern mawa fasilitas-fasilitas canggih. Déning papané ing sisih lor, kutha iki ing tengahé winter (musim adem), naming olèh cahya surya patang jam waé sadina. Nanging senadyan lokasiné ing lor, kutha iki ora patiya adem banget déning Aliran Gulf (Gulf stream). Hawané bisa dipadhakaké karo Toronto utawa New York City.

Padunung

Populasi kutha Reykjavík ing April 2007, iku gunggungé 117.099, kamangka padunung Laladan Reykjavík Raya iku kira-kira 192.995. Ing kutha iki ana enem munisipalitas sing kurang luwih mèmper kecamatan:

Álftanes: 2.293 jiwa
Garðabær: 9.613 jiwa
Hafnarfjörður: 24.111 jiwa
Kópavogur: 27.835 jiwa
Mosfellsbær: 7.588 jiwa
Seltjarnarnes: 4.456 jiwa

Daftar para wali kutha

Vilhjálmur Þ. Vilhjálmsson — 13 Juni 2006 –
Steinunn Valdís Óskarsdóttir — 30 Novèmber 2004 – 13 Juni 2006
Þórólfur Árnason — 1 Februari 2003 – 30 Novèmber 2004
Ingibjörg Sólrún Gísladóttir — 13 Juni 1994 – 1 Fébruari 2003
Árni Sigfússon — 17 Maret 1994 – 13 Juni 1994
Markús Örn Antonsson — 16 Juli 1991 – 17 Maret 1994
Davíð Oddsson — 27 Méi 1982 – 16 Juli 1991
Egill Skúli Ingibergsson — 15 Agustus 1978 – 27 Méi 1982
Birgir Ísleifur Gunnarsson — 1 Désember 1972 – 15 Agustus 1978
Geir Hallgrímsson — 6 Oktober 1960 – 1 Désember 1972
Auður Auðuns and Geir Hallgrímsson — 19 Novèmber 1959 – 6 Oktober 1960
Gunnar Thoroddsen — 4 Fébruari 1947 – 6 Oktober 1960
Bjarni Benediktsson — 8 Oktober 1940 – 4 Fébruari 1947
Pétur Halldórsson — 1935 – 1940
Jón Þorláksson — 1932 – 1935
Knud Zimsem — 1914 – 1932
Páll Einarsson — 1908 – 1914

Infrastruktur

Dalan

Pamilikan montor ing Èslan iku kalebu sing dhuwur-dhuwur dhéwé sadonya. Senadyan mengkono, Reykjavík ora patiya macet amerga sistem dedalanané cukup éfèktif. Dalan-dalan multi lajur jembar akèh ing kutha iki. Banjur papan parkir uga cukup.

Ing kéné ana sistèm transportasi umum awujud bus umum, nanging ora patiya populèr amerga kutha iki "ramah mobil".

Papan anggegana lan palabuhan

Papan Anggegana Reykjavík iku palabuhan udara sing kapindho gedhéné ing Èslan. Papané saiki ing tengah kutha, sakiduling puser kutha. Nanging nalika dibangun ing Perang Donya II déning wong Inggris, papané isih jaba kutha. Papan anggegana iki nglayani pamaburan domèstik lan régional. Minangka kanggo palayanan internasional ana Papan Anggegana Internasional Keflavík, sing papané 50 kilomèter adoh saka kutha. Papan anggegana ing tengah kutha iki saiki dadi bahan kontrovèrsi amerga papa sing minulya iki bisa ditrapaké kanggo panggunan liya ing tengah kutha.