Refleksi

Refleksi pengobatan minangka media refleksi katindakaken dening para ahli pijet. caranipun pijet refleksi inggih kanthi mijet wonten ing bagian epek-epek utawi dlamakan kanthi teratur. tegesipun refleksi inggih "gerakan" wonten ing otot. dasaring pamanggihing saking refleksi menika inggih kangge nglancaraken ilining getih wonten ing otot, saengga samangkenipun saged mbiyantu ngicali kadosta gangguan-gangguan ingkang saged ndayani medalipun penyakit. bab menika ingkang dados alesan bilih titik-titik ilining getih wonten ing epek-epek saha dlamakan prelu dipunpijet supados ilining getih saged pulih malih. pijet refleksi ugi saged kangge ngaktifaken syaraf. kados ingkang katindakaken dening pamijet Wahyuni ingkang pidalem wonten ing Gancahan 6, Sidomulyo, Godean, Sleman, Yogyakarta. Anggenipun mijet saraf katindakaken saben wekdal ingkang sampun katemtokaken. pratelaning badan ingkang dipunpijet biasanipun wonten ing epek-epek saha dlamakan suku kangge mangertosi tanda saking simpul-simpul syaraf. jinising penyakit ingkang saged dipunobati kanthi pijet refleksi menika antawisipun inggih pegel, darah rendah, darh tinggi, migrain, sesek, jantung, alergi asrep, gula, asam urat, prostat, ginjel, ambeien, lever, kanker payudara, saha rambut mbrodhol. pijet refleksi ugi saged dipuntegesi terapi pengobatan alternatif ingkang ngginakaken katrampilan khusus. para pamijet biasanipun sampun dipunlatih kangge mangertosi simpul-simpul syaraf. titik-titik syaraf samangkenipun ingkang badhe nambani sedaya penyakit. tukang pijet refleksi wonten ingkang bikak praktik wonten ing dalemipun piyambak ananging wonten ugi ingkang bikak ing hotel-hotel. ingkang katindakaken dening tukang pijet ingkang bikak wonten ing Panduwinoto, alamatipun wonten ing Hotel Lokawisata, Jl. Retnodumilah No.38, Yogyakarta, terapi dipunwiwiti kanthi lumayu-lumayu utawi senam wonten ing karpet kanthi wekdal 15-30 menit. Bab menika kaginaaken kangge ngaktifaken saha paring raos seger wonten ing syaraf-syaraf pasien. Metodi pijet Refleksi saged katindakaken kanthi deteksi wiwitan dhateng pasien ingkang brobat. metode sanesipun inggih ngginakaken metode tusuk jari, terapi pasir elektrik, pijet refleksi saha ramuan jamu saking sesepuh ing jaman rumiyin. ramuan dipunsamektaaken gumantung saking asiling deteksi penyakit kanthi pijet menika. Ahli pijet refleksi boten kathah ingkang saget damel ramuan jamu utawi obat kangge pasienipun. Para ahli wau namung ngracik utawi ngramu pengobatan kanthi mijet manawi cara pijet dereng saged kraos pulih tanpa ngunjuk jamu.